Farm Input Costs: खानदेशात कांदेबाग केळीसाठी शेणखताची मागणी आहे. शेणखत दुरापास्त होत असून, त्याचे दर यंदा पाच ते सात टक्क्यांनी वधारले आहेत. पशुधनाची घटती संख्या व यंदाची दुष्काळी स्थिती पाहता, शेणखताचे दर पुढेही वधारतील, अशी शक्यता आहे..केळी लागवडीसाठी जळगावातील चोपडा, जळगाव, चाळीसगाव, पाचोरा, भडगाव, धुळ्यातील शिरपूर आदी भागांत सध्या पूर्वमशागत व मशागतीची कामे सुरू आहेत. केळीला शेणखताची गरज असते. कारण हे एक वर्षाचे पीक आहे. केळीसाठी एकरी तीन ते चार ट्रॉली शेणखताची भर घातली जाते..FFS Fertilizer System: ‘एफएफएस’मधून खत विक्रीला दहा जिल्ह्यांत प्रतिसाद.दर वधारलेशेणखताचे दर वधारले असून, एक ट्रॉलीसाठी २७०० ते २९०० रुपये मोजावे लागत आहे. मागील हंगामात मजुरीसह शेणखताच्या एका ट्रॉलीसाठी २२०० ते २५०० रुपये दर दिले जात होते. केळी उत्पादक शेणखताची भर केळीसाठी शेतात घालून घेतात. शेणखत गावात न मिळाल्यास अन्य भागांतून आणावे लागत आहे. त्यासाठी मोठा वाहतूक खर्च केला जात आहे. खानदेशात धुळ्यातील शिरपूर, नंदुरबारातील तळोदा, शहादा, जळगावातील चोपडा, यावल, जामनेर, रावेर, मुक्ताईनगर, जळगाव, पाचोरा, चाळीसगाव या भागांत शेणखताची मागणी आहे..Ahilyanagar Seed Stock : अहिल्यानगरमध्ये उपलब्ध बियाण्यांपैकी ४० टक्के शिल्लक.मातीचाही उपयोगकाही शेतकऱ्यांना शेणखत न मिळाल्याने त्यांनी आपल्या केळीसाठी नियोजित काळ्या कसदार क्षेत्रात शेणखताऐवजी पांढऱ्या, पाण्याचा निचरा करणाऱ्या मातीची भर घातली आहे. काळ्या कसदार जमिनीत पाण्याचा निचरा होत नाही. सततच्या पावसात या क्षेत्रात करपा व अन्य बुरशीजन्य रोग बळावतात. या क्षेत्रातील केळीलाही पावसाळ्यात कमी उठाव असतो, असे मानतात. यामुळे काळ्या कसदार जमिनीत अनेक जण सध्या शेणखतासह पांढऱ्या मातीची भर घालत आहेत..अलीकडे पशुधनाची संख्या कमी झाली आहे. यामुळे शेणखत हवे तेवढे उपलब्ध नाही. मागणी अधिक आहे. त्यामुळे शेतकऱ्यांना यंदाही महाग शेणखत घ्यावे लागत आहे. कांदेबाग केळी पीक पावसाळ्यात निसवते व काढणीही पावसाळ्यात सुरू होते. या केळीची लागवड ऑक्टोबर ते डिसेंबर या कालावधीत खानदेशात केली जाते. .या केळीसाठी शेणखताची अधिक मागणी आहे. पुढे सण आहे. यामुळे शेतात शेणखत व माती टाकण्याचे काम या महिन्यात वेगात सुरू असून, दिवाळीपूर्वी हे काम आटोपून घेण्याची लगबग सुरू आहे. शेणखत टाकून लगेच पूर्वमशागत व पुढे केळी लागवड, अशी कार्यवाही केली जात आहे. काही शेतकरी धुळे, साक्री भागातून शेणखत आणत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
