Crop Harvesting Jalgaon: खानदेशात कमी पावसामुळे काही भागांत मूग पिकाचे नुकसान झाले आहे. मात्र, काळ्या कसदार व सखल क्षेत्रातील जमिनीत कमी पावसातही मूग पीक बऱ्यापैकी आले असून, या भागात काढणीला सुरुवात झाली आहे..खानदेशात गेल्या २२ ते २५ दिवसांपासून पाऊस झालेला नाही. मात्र, काळ्या कसदार व सखल क्षेत्रातील जमिनीत मूग पीक बऱ्यापैकी आहे. जुलैतील पावसामुळे मुगाला फुलोरा आला. त्यानंतर शेंगा लागल्या. जमिनीत असलेल्या आर्द्रतेमुळे शेंगा पक्व झाल्या असून, त्या काढणीला आल्या आहेत. अमळनेर, पारोळा, धरणगाव, जळगाव आणि जामनेर आदी भागांत कमी पावसामुळे मुगाचे नुकसान झाले आहे..Maize Cultivation Update: खानदेशात मका लागवडीची झेप; ज्वारी, कडधान्यांनाही टाकले मागे.निरभ्र वातावरणाची गरजमूग काढणीनंतर शेंगा वाळण्यासाठी निरभ्र आणि कोरड्या वातावरणाची गरज आहे. शेतकरी शेंगा वाळवून घेण्याचा प्रयत्न करीत आहेत. रात्री पाऊस आणि दुपारी ऊन राहिल्यास मूग पीक बऱ्यापैकी हाती येऊ शकते. शेंगा तोडणी व काढणी पूर्ण होण्यासोबतच शेंगाही व्यवस्थित वाळतील, असे शेतकऱ्यांचे म्हणणे आहे..Fallow Land Update: खानदेशात यंदा १८ टक्के क्षेत्र नापेर .पेरा कमीयंदा खानदेशात मुगाची पेरणी कमी झाली आहे. नुकसान होण्याच्या भीतीने अनेक शेतकऱ्यांनी मुगाऐवजी मक्याची लागवड केली. त्यामुळे मुगाचे उत्पादनही कमी आहे. परिणामी दर टिकून आहेत. मात्र, उत्पादन हाती यावे यासाठी शेतकऱ्यांची धावपळ सुरू आहे. जळगाव जिल्ह्यात १५ ते १६ हजार हेक्टरवर मूग पेरणी अपेक्षित होती. तर खानदेशात एकूण २५ ते २६ हजार हेक्टरवर पेरणी होईल, अशी अपेक्षा होती..प्रत्यक्षात खानदेशात सुमारे १८ हजार हेक्टरवर मुगाची पेरणी झाली असून, जळगाव जिल्ह्यात सुमारे ११ हजार हेक्टरवर मूग पीक आहे. जून-जुलैमध्ये पिकाची स्थिती चांगली होती. मात्र, पावसाचा खंड पडल्याने काही भागांत पीकस्थिती खराब झाली. काळ्या कसदार व मुबलक सेंद्रिय कर्ब असलेल्या जमिनीत मुगाची वाढ मात्र चांगली झाली. मुगाची काढणी पोळा सणापूर्वीच सुरू झाली आहे. शेतकरी काढणी करून लगेच मळणी करून घेत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
