Jalgaon News : खानदेशात मागील आठ ते १० दिवस सतत पाऊस सुरू आहे. केळी, उडीद, भाजीपाला पिकांच्या दरांचा प्रश्न गंभीर बनत असतानाच ओल्या दुष्काळाचे सावट गडद होत आहे. जळगाव जिल्ह्यात पारोळा, पाचोरा, चाळीसगाव, भडगाव भागांत १२० टक्क्यांवर एकूण पाऊस झाला आहे..अन्य भागातही पाऊसमान वाढले आहे. जळगाव जिल्ह्यातील एकूण पाऊसमान १०० टक्क्यांपर्यंत पोहोचल्याची स्थिती आहे. यातच उडीद, पूर्वहंगामी कापूस, सोयाबीन या पिकांना पावसाचा फटका बसत आहे. उडीद पीक पाण्यात गेल्याची स्थिती आहे. रोज पाऊस येत आहे. निरभ्र, कोरडे वातावरण नाही. यामुळे उडीद, कापणी मळणी करता येत नाही..Crop Damage Survey : नुकसानीचे २७ हजार ३०६ हेक्टरवरील पंचनामे पूर्ण.सखल भागात किंवा काळ्या कसदार जमिनीत, पाण्याचा निचरा न होणाऱ्या भागात पीकस्थिती बिकट बनत आहे. वाफा नाहीसा झाला आहे. मूग पीकही हवे तसे हाती आले नाही. यामुळे शेतकऱ्यांचे नुकसान झाले. आता पावसाने पिके हातची जात असल्याने शेतकरी चिंतेत आहेत. मका, सोयाबीन पीक पिवळे पडू लागले आहे. रोज दुपारी पाऊस सुरू होतो. सायंकाळीदेखील पाऊस असतो. यामुळे शेतीकामे ठप्प झाली आहे. तणनियंत्रण, फवारणी आदी कामे शेतकरी करू शकत नसल्याचे दिसत आहे..पूर्वहंगामी कापूस पिकास धोकाखानदेशात कापसाची सर्वाधिक लागवड आहे. यंदा लागवड घटली आहे. पण अन्य पिकांच्या तुलनेत कापूस पीकपेरा अधिक आहे. कापसाची सुमारे साडेसात लाख हेक्टरवर लागवड झाली आहे. यात सुमारे दोन लाख हेक्टरवर पूर्वहंगामी किंवा बागायती कापूस पीक आहे. .Soybean Crop Damage : सोयाबीनच्या शेंगा झाडावरच वाळू लागल्या.कापूस पिकास जुलै व ऑगस्टमधील पावसाचा खंड पडल्याने फटका बसला. आता अतिपावसात कापूस पीक हातचे जाईल, अशी स्थिती आहे. पूर्वहंगामी कापूस पिकात कैऱ्या पक्व होत आहेत. त्या पावसाने काळवंडू लागल्या आहेत. कापूस पिकात आजघडीला २० ते २२ टक्के नुकसान होईल, अशी स्थिती आहे..केळी लागवड रखडलीकेळी लागवड रखडली असून, पावसाने अडचण येत आहे. तसेच केळी काढणी, केळी कंद काढणीचे कामही रखडत सुरू आहे. केळी लागवड अनेकांना पावसाने विलंबाने करावी लागणार असल्याची स्थिती आहे.केळी लागवडीसाठी शेतकऱ्यांनी शेतात सऱ्या तयार केल्या आहेत. तसेच गादीवाफेही तयार केले आहेत. अनेक शेतकऱ्यांची केळी रोपे लागवडीसाठी तयार आहेत. पण पावसाने लागवड करू शकत नसल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
