Water Resources Issue: खानदेशात सिंचन प्रकल्पांमधील जलसाठा सध्या स्थिर असून, पाऊस थांबल्याने पाण्याची आवकही धरणांत अल्प आहे. अनेक प्रकल्पांतील विसर्गही बंद किंवा कमी करण्यात आला आहे. यामुळे नद्यांमधील पाण्याचा प्रवाह घटला आहे. .खानदेशात यंदा पाऊसमान जुलैत बऱ्यापैकी होते. सरासरीपेक्षा अधिकचा पाऊस अनेक तालुक्यांत या महिन्यांत झाला. परंतु धरणांतील जलसाठा कमी होता. या महिन्याच्या सुरवातीला झालेल्या पावसात अनेक प्रकल्प भरले. तसेच अन्य प्रकल्पांतूनही विसर्ग सुरू झाला. परंतु मागील काही दिवसांपासून पाऊस नाही. उकाडा व उष्णता अशी स्थिती खानदेशात आहे. मुरमाड, हलक्या जमिनीत वाफसा नाहीसा झाला आहे. .Khandesh Water Crisis : खानदेशातील सिंचन प्रकल्पांत अल्प आवक.गारवादेखील नाही. यामुळे मुरमाड जमिनीत पिके माना टाकत आहेत. अशात लघु व मध्यम प्रकल्पांतील विसर्गही थांबला आहे. यामुळे नद्यांमधील पाण्याचा प्रवाह घटला आहे. खानदेशात नंदुरबारातील सुसरी, गोमाई, उदय आदी नद्यांत प्रवाही पाणी होते. त्यातील प्रवाह आता घटला आहे. तसेच धुळ्यातील अनेर, बुराई, पांझरा या नद्यांतही प्रवाह होता. हा प्रवाहदेखील कमी झाला आहे..Irrigation Projects Update: सिंचन प्रकल्पांत अल्प आवक.जळगाव जिल्ह्यात रावेरातील सुकी, भोकरी नदीमधील प्रवाहदेखील घटला आहे. गिरणा नदीतही काहीसा प्रवाह होता. हा प्रवाहदेखील कमी झाला आहे. कारण गिरणा पट्ट्यातही पाऊस नाही. यावलमधील मोर, चोपड्यातील गूळ नदीतही पाण्याचा प्रवाह बंद झाल्याची स्थिती आहे. गिरणा व जामनेरातील वाघूर , एऱंडोलातील अंजनी नदीलाही यंदा मोठा पूर आलेला नाही..प्रकल्प भरण्याची प्रतीक्षाखानदेशात अनेक महत्त्वाचे सिंचन प्रकल्प भरलेले नाहीत. यामुळे हे प्रकल्प भरण्यासाठी जोरदार पावसाची गरज आहे. त्यात मन्याड, भोकरबारी, बहुळा, अग्नावती, वाघूर, धुळ्यातील सोनवद, अमरावती आदी प्रकल्पांचा समावेश आहे..तापी नदीतही प्रवाह कमीतापी नदीवर खानदेशात जळगाव जिल्ह्यात भुसावळनजीक हतनूर धरण आहे. हा एकमेव मोठा प्रकल्प तापीवर आहे. या प्रकल्पातील आवकही घटली आहे. यामुळे तापी नदीत पाण्याचा विसर्ग कमी झाला आहे. तापी नदीला यंदा मोठा पूर आलेला नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
