Khandesh Weather Update: जळगाव : खानदेशात मागील काही दिवसांपासून अंशतः ढगाळ वातावरण होते. पण मंगळवारी (ता.१७) पावसाळी, ढगाळ वातावरण सकाळपासून तयार झाले. खानदेशात केळी, पपई पिकांची काढणी सुरू आहे. रब्बी पिकेही मळणीवर आहेत. अशात पाऊस आल्यास मोठी हानी होईल, अशी चिंता शेतकऱ्यांना आहे..खानदेशात यंदा डिसेंबरमध्ये थंडी बऱ्यापैकी होती. जानेवारीत काही दिवस थंडी होती. परंतु २७ जानेवारी २०२६ रोजी पाऊस व वादळ झाले. काही भागात गारपीट झाली. यात केळी, कलिंगड, टोमॅटो, भाजीपाला पिकांची मोठी हानी झाली. २७ जानेवारीपासूनच खानदेशात वातावरण खराब झाले आहे. निरभ्र वातावरण नाही. थंडीची कमी झाली आहे..दुपारी उकाडा असतो. यामुळे वेलवर्गीय पिके, केळी पिकात रोगराई वाढली आहे. अशातच मंगळवारी पावसाळी वातावरण तयार झाले. सूर्यदर्शन अधूनमधूनच होत आहे. बुधवारी (ता.१८) सकाळीदेखील पावसाळी वातावरण जळगाव, धरणगाव, चोपडा, एरंडोल भागात होते..Weather Update: ढगाळ हवामानामुळे राज्यातील तापमानात चढ उतार सुरु .खरिपात अतिपावसात हानी झाली आहे. अनेकांनी चाऱ्यासाठी ज्वारी, मका लागवड केली आहे. मका पीक पक्व होत आहे. काही भागात कणसांत दाणे भरत आहेत. वादळ झाल्यास पीक आडवे होईल व नुकसान वाढेल, अशी भीती आहे. खरिपात चारा हाती न आल्याने रब्बीतून चारा येण्याची आवश्यकता आहे. या चाऱ्याची साठवणूक शेतकरी करतात व पुढील रब्बीपर्यंत हा चारा पशुधनास खाऊ घालतात. त्याचा दर्जा पावसाने खराब होतो. दर्जा घसरल्यास पुढे पशुधनास सकस, चांगला चारा मिळणार नाही, असे शेतकऱ्यांचे म्हणणे आहे..Maharashtra Weather Update: काही ठिकाणी हलक्या पावसाचा अंदाज; ढगाळ हवामानामुळे राज्यातील तापमानात चढ उतार सुरु. मळणी, काढणीला फटका शक्यखानदेशात सध्या कोरडवाहू हरभरा, दादर ज्वारी पिकात मळणीचे काम सुरू आहे. काही भागात कापणी सुरू आहे. परंतु ढगाळ, पावसाळी वातावरण तयार झाल्याने शेतकऱ्यांनी कापणीचे काम लांबणीवर टाकले आहे. कारण पीक कापणीनंतर पाऊस आल्यास मोठी हानी होईल. तसेच केळी, पपई, भाजीपाला पिकांत काढणी सुरू आहे. या पिकांत फळे पक्व झाल्यानंतर लागलीच काढणी करावी लागते. अशात फळे पक्व असतानाच पावसाळी वातावरण तयार झाल्याने शेतकऱ्यांनी धसका घेतला आहे. जानेवारीत पाऊस, गारपिटीत हानी झाली. आता पुन्हा या महिन्याच्या अखेरीस पावसाळी वातावरण तयार होत असल्याने शेतकरी चिंतेत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
