Khandesh Farmers Issue: खानदेशातील केळी उत्पादक भागांतील शेतरस्त्यांची पावसामुळे दैना झाली आहे. त्यामुळे केळीसह पपई व अन्य शेतीमालाच्या काढणीला फटका बसत आहे. परिणामी, पाणंद रस्ते योजना अधिक व्यापकपणे राबविण्याची मागणी जोर धरत आहे..खानदेशात नंदुरबार जिल्ह्यातील तळोदा, शहादा व अक्कलकुवा, धुळे जिल्ह्यातील शिरपूर तसेच जळगाव जिल्ह्यातील चोपडा, यावल, रावेर, मुक्ताईनगर, जळगाव, जामनेर, पाचोरा, चाळीसगाव, भडगाव आणि धरणगाव हे तालुके केळी उत्पादनात अग्रेसर आहेत. मात्र याच भागांतील शेतरस्ते पावसामुळे खराब झाल्याने शेतकऱ्यांना मोठ्या अडचणींचा सामना करावा लागत आहे..Farm Roads Issue: माजलगावच्या २०५ किलोमीटर शेतीपोच रस्त्यांची दुरवस्था.खानदेशात पाणंद रस्ते योजनेतून सुमारे दीड हजार रस्त्यांची निर्मिती करण्यात आली आहे. त्यापैकी काही रस्त्यांचे नंतर नियोजन समितीच्या निधीतून मजबुतीकरणही करण्यात आले. मात्र काळ्या कसदार जमिनीच्या क्षेत्रात हे रस्ते पुन्हा खराब झाले असून, वाहतुकीस अडथळे निर्माण झाले आहेत..Rajgad Fort Road Issue: राजगड रस्त्याची दुरवस्था.वाफसा होत नसल्याने अडचणसततच्या पावसामुळे वाफसा होत नसल्याने अनेक भागांतील शेतरस्त्यांवरून सध्या वाहतूक करणे अशक्य झाले आहे. केळी, पपई आदी पिकांची काढणी सुरू असताना मजबूत शेतरस्त्यांची गरज अधिक आहे. मात्र रस्त्यांच्या दुरवस्थेमुळे शेतीमाल बाहेर काढताना शेतकऱ्यांना मोठ्या अडचणींना सामोरे जावे लागत असून, काढणीवरही त्याचा परिणाम होत आहे..रावेर तालुक्यातही जुन्या पाणंद रस्त्यांचे मजबुतीकरण करून त्यांची लांबी वाढविण्याची मागणी होत आहे. या योजनेसाठी नियोजन समितीकडून निधी उपलब्ध करून दिला जातो. पालकमंत्र्यांच्या अंतिम मंजुरीनंतर रस्त्यांचे आराखडे तयार होऊन निधी वितरित केला जातो. त्यामुळे पाणंद रस्त्यांची संख्या वाढविण्यासह निधीतही वाढ करावी, तसेच शेतरस्ते रुंद करून त्यांचे मजबुतीकरण करावे, अशी मागणी शेतकऱ्यांकडून केली जात आहे..रस्त्यांची संख्या अपुरीखानदेशात नंदुरबार जिल्ह्यातील शहादा, तळोदा, नंदुरबार, धुळे जिल्ह्यातील शिरपूर, शिंदखेडा, धुळे तसेच जळगाव जिल्ह्यातील रावेर, यावल, अमळनेर, चोपडा, जळगाव, जामनेर, भडगाव, पाचोरा, मुक्ताईनगर आणि धरणगाव या भागांत पाणंद रस्ते करण्यात आले आहेत. मात्र त्यांची संख्या अपुरी असल्याचे शेतकरी सांगतात. जळगाव व शिरपूर परिसरात तुलनेने अधिक रस्ते झाले असले, तरी अन्य भागांत समाधानकारक काम झालेले नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
