Rainfall Impact: खानदेशात यंदा बाजरीची पेरणी अपेक्षेपेक्षा कमी दिसत आहे. यातच पेरणी पावसाने किंवा शेतात वाफसा नसल्याने रखडली आहे. आगाप पेरणी यशस्वी झाली आहे. परंतु अनेक शेतकरी पेरणीसाठी अनुकूल वातावरणाची प्रतीक्षा करीत आहेत. .खानदेशात खरिपात बाजरीची पेरणी सुमारे सात ते आठ हजार हेक्टरवर केली जाते. बाजरीसाठी धुळे जिल्हा प्रसिद्ध आहे. धुळ्यातील शिंदखेडा, जळगाव जिल्ह्यातील चाळीसगाव, भडगाव, अमळनेर, पारोळा आदी भागातही खरिपातील बाजरी असते. तसेच तापी, गिरणा, अनेर, पांझरा आदी नद्यांच्या क्षेत्रातही काळ्या कसदार जमिनीत केळी व अन्य पिकांना बेवड, जमीन सुपीकता यासाठीदेखील अनेक शेतकरी बाजरी पेरतात. धुळ्यात शिंदखेड्यातील बाजरी प्रसिद्ध आहे. काही शेतकऱ्यांनी जूनमध्ये आगाप पेरणी केली आहे. परंतु अनेकांनी पेरणी जुलैच्या दुसऱ्या आठवड्यात करण्याचे नियोजन केले होते. यात या महिन्यात सतत पाऊस सुरू आहे. यामुळे पेरणी किंवा पूर्वमशागतीसाठी वाफसाही तयार झाला नाही. यामुळे पेरणी रखडली आहे..Bajra Sowing: खानदेशात बाजरीची पेरणी सुरूच; क्षेत्र स्थिर राहण्याचे संकेत .बाजरीचे दरही 2200 ते 2600 रुपये प्रतिक्विंटलपर्यंत टिकून आहेत. शिवाय कसदार चाराही यातून मिळतो. अलीकडे एकरी 10 क्विंटलपर्यंत उत्पादन देणारे बाजरी वाणही बाजारात आहेत. कमी खर्चात चांगले उत्पादन अनेक शेतकरी साध्य करतात. यामुळे शेतकरी बाजरीकडेही वळले आहेत..Bajara Cultivation: खानदेशात बाजरीची पेरणी सुरू; क्षेत्र स्थिर राहण्याचे संकेत.आगाप पेरणी यशस्वीअनेकांनी जुलैत बाजरीची पेरणी केली आहे. ही पेरणी यशस्वी झाली आहे. कारण त्यावर पाऊस आला. तसेच एक वेळेस आंतरमशागतही पूर्ण करता आली. खतेही अनेकांनी दिली आहेत. यामुळे आगाप पेरणीची बाजरी सध्या जोम धरत आहे. खानदेशात आतापर्यंत सुमारे सहा हजार हेक्टरवर बाजरीची पेरणी झाली आहे..काही शेतकऱ्यांनी क्षेत्र केले कमीकाही शेतकऱ्यांनी बाजरीची पेरणी वाढविली नाही. काळ्या कसदार जमिनीत बाजरीएेवजी मका लागवडही अनेकांनी केली आहे. तर काहींनी सोयाबीनला पसंती दिली आहे. यामुळे बाजरीचे क्षेत्र खानदेशात यंदा स्थिर आहे. क्षेत्र आठ ते नऊ हजार हेक्टरवर स्थिरावेल, असा अंदाज सुरवातीपासून होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
