Pune News : ग्रामीण नागरिकांचे जीवनमान सुकर करण्यासाठी जिल्हा परिषद खासगी कंपन्यांच्या सहकार्यातून काटेवाडी, सोरतापवाडी ही दोन गावे स्मार्ट डिजिटल म्हणून विकसित करणार आहे. यामुळे गावांचा कायापालट होऊन नागरिकांना अत्याधुनिक सुविधा उपलब्ध होतील, अशी माहिती जिल्हा परिषदेचे मुख्य कार्यकारी अधिकारी गजानन पाटील यांनी दिली..या प्रकल्पासाठी व्हॉइस या नावाने २० खासगी कंपन्यांचा एक गट तयार केला आहे. केंद्रातील माजी सचिव राकेशकुमार भटनागर हे व्हॉइसचे महासंचालक म्हणून काम पाहत आहेत. उपमुख्यमंत्री अजित पवार यांच्या अध्यक्षतेखाली झालेल्या बैठकीत या प्रकल्पाला गती देण्याचा निर्णय झाला. स्मार्ट शेती संकल्पनेअंतर्गत ड्रोनद्वारे कीटकनाशक फवारणी, पाण्याची आणि जमिनीची गुणवत्ता तपासणी, पिकांना आवश्यक खतांची माहिती तसेच पीक फेरपालटाविषयी शास्त्रीय सल्ला दिला जाणार आहे. .Rural Development: गावाने पुढाकार घेऊन केले पाणंद रस्ते.याशिवाय, गावात स्वयंचलित हवामान केंद्र उभारले जाणार असून, त्याद्वारे हवामानातील आर्द्रता, प्रदूषण आणि तापमानाची अचूक माहिती रिअल टाइममध्ये उपलब्ध होईल. सोरतापवाडी येथील ६० टक्के शेतकरी फळबाग शेतीमध्ये कार्यरत असून, त्यांना या प्रकल्पाच्या माध्यमातून चीन, जपानचे तांत्रिक सहकार्यही मिळणार आहे..Rural Development : सुंदर गाव योजनेमध्ये कुरगावने मारली बाजी.गावात वेगवान इंटरनेट कनेक्टिव्हिटीसाठी स्वतंत्र टॉवर उभारून वाय-फाय सुविधा दिली जाईल. या प्रकल्पासाठी ९५ लाखांचा खर्च अपेक्षित असून, हा निधी जिल्हा नियोजन समितीतून उपलब्ध करून दिला जाईल. काटेवाडीची लोकसंख्या १० हजार, तर सोरतापवाडीची लोकसंख्या १३ हजार आहे. प्रायोगिक तत्त्वावर या गावांची निवड केली असून, भविष्यात संपूर्ण जिल्ह्यात राबविला जाणार असल्याचे गजानन पाटील म्हणाले..आरोग्य सुविधाही स्मार्टशेतीसोबतच आरोग्य, कचरा व्यवस्थापन आणि आपत्कालीन सेवांमध्येही तंत्रज्ञानाचा वापर केला जाणार आहे. पशुपालकांसाठी गावातील पशुवैद्यकीय दवाखान्यांमधून ‘टेलिमेडिसिन’ सेवा सुरू केली जाईल. यामुळे पशुपालक थेट व्हिडिओ कॉलद्वारे तज्ज्ञ डॉक्टरांचा सल्ला घेतील. कचरा, आपत्ती व्यवस्थापन, कम्युनिटी सर्व्हिस सेंटरसारख्या सुविधाही अधिक कार्यक्षम केल्या जातील. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
