Yavatmal News: वाढदिवस म्हणजे केक, फटाके आणि जल्लोष अशीच सर्वसाधारण कल्पना असते. मात्र आर्णी येथील छल्लाणी कुटुंबीयांनी आपल्या कपिला गाईचा वाढदिवस भक्तिभावाने, सेवाभावाने आणि नगरभोजनाच्या माध्यमातून साजरा करून समाजासमोर आदर्श उभा केला आहे..शिवनेरी चौकातील प्रतिष्ठित व्यापारी छल्लाणी कुटुंबीयांनी मंगळवारी (ता. १०) आपल्या लाडक्या कपिला गाईचा नववा वाढदिवस मोठ्या उत्साहात साजरा केला. १० फेब्रुवारी २०१७ रोजी जन्मलेल्या कपिलाला पहाटे स्वच्छ अंघोळ घालून तिच्या कपाळावर हळदीकुंकवाचा टिळा लावण्यात आला..Rare Cow Birth : गाईने एकाच वेळी दिला चार वासरांना जन्म.गळ्यात फुलांचे हार, शिंगांना मोरपिसांची सजावट, अंगावर रंगीबेरंगी झूल व कपाळाला बाशिंग बांधून तिला नव्या नवरीप्रमाणे सजवण्यात आले होते. गोडधोड खाऊ घालून कपिलेची आरती करण्यात आली. छल्लाणी कुटुंबातील लहानांपासून थोरांपर्यंत सर्वांनी गाईचे पाय धुऊन आशीर्वाद घेतले. त्यानंतर कपिलाला कुटुंबाच्या विविध व्यापारी प्रतिष्ठानांवर नेऊन तिचे पूजन करण्यात आले..Cow Conservation: गाईची उपयोगिता लक्षात घेऊन संवर्धन करावे.ग्रामीण भागात चारा, पाणी व मजुरांच्या टंचाईमुळे अनेक शेतकऱ्यांचे गोठे ओस पडत असताना, शहरात राहूनही छल्लाणी कुटुंबीयांनी शंभराहून अधिक जनावरांचे संगोपन करून गोरक्षणाचा आदर्श उभा केला आहे. वाढदिवसाच्या निमित्ताने गोप्रेमी व मित्रमंडळींसाठी आयोजित करण्यात आलेल्या नगरभोजनामुळे या उपक्रमाला सामाजिक स्वरूप लाभले, अशी प्रतिक्रिया उपस्थितांनी व्यक्त केली. कपिला ही केवळ गाय नसून छल्लाणी कुटुंबाची सदस्य बनली असून, तिच्या माध्यमातून गोसेवा आणि माणुसकीचा संदेश समाजात पोहोचवला जात आहे..कपिलाचा जन्म १० फेब्रुवारी २०१७ रोजी आमच्याच घरी झाला. तेव्हापासून दरवर्षी तिचा वाढदिवस साजरा करतो. ती आमच्यासाठी केवळ गाय नसून साक्षात शुभलक्ष्मी आहे. तिने अनेक प्रदर्शनांत बक्षिसे मिळवली आहेत. गाईची सेवा हीच खरी ईश्वरसेवा आहे.प्रवीण छल्लाणी, आर्णी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
