Sindhudurg News: सिंधुदुर्ग जिल्ह्यातील कणगर काढणी पूर्ण झाली असून, गोवा आणि स्थानिक बाजारपेठेत या वर्षी प्रति किलोला ८५ ते १२० रुपयांपर्यंत दर मिळाला. दर वर्षीच्या तुलनेत यंदा दरामध्ये चांगली सुधारणा झाल्याचे चित्र आहे..जिल्ह्यातील अनेक गावांमध्ये कणगर लागवड केली जाते. वेतोरे, आडेली (ता.वेंगुर्ला), विलवडे (ता.सावंतवाडी) ही गावे कणगर लागवडीमुळे चर्चेत आली. या गावांतील शेतकरी पाच गुंठ्यापासून एक एकरपर्यंत लागवड करतात. पूर्णतः सेंद्रिय पद्धतीने हे उत्पादन घेतले जात असल्याने मोठी मागणी असते. गोवा ही कणगर पिकासाठी मोठी बाजारपेठ आहे..American Germplasm Cultivation: ‘वनामकृवि’मध्ये करडईच्या अमेरिकन जर्मप्लाझमची लागवड.जिल्ह्यातील बहुतांश गावांमध्ये एप्रिल, मे महिन्यांत कणगरची लागवड केली जाते आणि ऑक्टोबर, नोव्हेंबरमध्ये काढणी केली जाते. जिल्ह्यात काढणीचे काम पूर्ण झाले असून, बहुतांश मालाची विक्री देखील झाली आहे. सततच्या पावसामुळे उत्पादनात काही अंशी घट झाली. पावसामुळे एकाच वेळी काढणी न झाल्याने बाजारपेठेत एकाच वेळी कणगर गेले नसल्याने त्याचा चांगला परिणाम दरावर झाला..Pulse Cultivation: रायगडमध्ये कडधान्य लागवड अडचणीत.दर वर्षी साधारणपणे प्रति किलोला ६० ते ७० रुपये दर मिळत होता. परंतु यंदा प्रति किलोला ८५ ते १२० रुपयांपर्यंत दर मिळाला. अधिकतर शेतकरी गोवा बाजारपेठेत कणगर विक्रीसाठी नेतात. काही शेतकरी स्थानिक बाजारपेठेतच विक्री करतात..मी दहा गुंठ्यात कणगर लागवड करतो. सततच्या पावसामुळे या वर्षी उत्पादनात १५ ते २० टक्के घट आली. परंतु दर वर्षीच्या तुलनेत यंदा दर चांगला मिळाला. स्थानिक आणि गोवा अशा दोनही बाजारपेठांमध्ये दर चांगला होता.सुशांत नाईक, कणगर उत्पादक शेतकरी, वेतोरे, ता. वेंगुर्ला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
