Thane News: कल्याण कृषी उत्पन्न बाजार समितीच्या आवारातील 'शेतकरी शेड'च्या आरक्षित जागेवर इमारत उभारून गाळे विक्री करण्याच्या संचालक मंडळाच्या निर्णयाला पणन संचालनालयाने स्थगिती दिली आहे. माजी संचालक मयूर पाटील यांनी केलेल्या तक्रारीची दखल घेत हा दणका देण्यात आला असून, यामुळे बाजार समितीमधील कथित मनमानी कारभाराला चाप बसला आहे..बाजार समितीच्या तत्कालीन संचालक मंडळाची मुदत संपलेली असताना आणि त्यांना तात्पुरती मुदतवाढ मिळालेली असताना एक महत्त्वाचा प्रस्ताव मंजूर करण्यात आला होता. या प्रस्तावानुसार, बाजार समितीच्या आवारातील शेतकरी शेडच्या जागेवर २० गाळे/ओटे असलेली इमारत आणि काँक्रीटचे रस्ते बांधण्याचे नियोजन होते. विशेष म्हणजे, या गाळ्यांची परस्पर विक्री करण्याचेही निश्चित करण्यात आले होते..Nagar Kalyan Highway Accident : डिंगोरे गावच्या हद्दीत तिहेरी अपघातात आठ जणांचा मृत्यू.माजी संचालक मयूर पाटील यांनी या निर्णयाविरोधात उच्च न्यायालय आणि पणन संचालनालयाकडे धाव घेतली होती. विकास आराखड्यानुसार हा भूखंड केवळ 'शेतकरी शेड'साठी राखीव आहे. त्यामुळे इमारत उभारल्यास कल्याण तालुक्यातील गरीब शेतकऱ्यांना आपला माल विकण्यासाठी जागाच उरणार नाही. प्रशासकीय मुदतवाढ असताना अशा प्रकारचे धोरणात्मक निर्णय घेणे चुकीचे आहे असे त्यांनी तक्रार अर्जात म्हटले आहे..Pune APMC: पुणे बाजार समितीत कवठ, रताळ्याची आवक.गैरवापराचा मुद्दामयूर पाटील यांनी आपल्या तक्रारीत प्रामुख्याने प्रशासकीय अधिकारांच्या गैरवापराचा मुद्दा उपस्थित केला आहे. केवळ दैनंदिन कामकाजासाठी मुदतवाढ मिळालेल्या संचालक मंडळाला धोरणात्मक निर्णय घेण्याचा किंवा बाजार समितीच्या मालमत्तेची विक्री करण्याचा अधिकार नसल्याचे त्यांनी निदर्शनास आणून दिले..न्यायालयीन हस्तक्षेपउच्च न्यायालयाने या प्रकरणी पणन संचालनालयाला अहवाल सादर करण्याचे निर्देश दिले होते. त्यानंतर पणन संचालनालयाने या बांधकामाला तूर्तास स्थगिती दिली आहे. पुढील सुनावणीसाठी तक्रारदार आणि विरोधक दोघांनाही सबळ पुराव्यांसह हजर राहण्याचे आदेश देण्यात आले आहेत..न्याय मिळेपर्यंत सर्वतोपरी प्रयत्नशेतकऱ्यांच्या हक्काची जागा सुरक्षित राहावी आणि शेती व्यवसाय जिवंत राहावा यासाठी माझा हा लढा आहे. शेतकऱ्यांना न्याय मिळेपर्यंत मी सर्वतोपरी प्रयत्न करेन, अशी प्रतिक्रिया तक्रारदार व माजी संचालक मयूर पाटील यांनी दिली आहे. तर पूर्वीच्या समितीने या गाळ्यांचे बांधकाम आणि वाटपाचा प्रस्ताव मंजूर केला होता. सध्या स्थगिती मिळाली असली तरी, आवश्यक कागदपत्रे सादर केल्यानंतर बांधकामाचा मार्ग पुन्हा मोकळा होईल, असा आम्हाला विश्वास आहे. असा विश्वास समितीचे सभापती रवींद्र घोडविंदे यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
