Livestock Farming Crisis: संपूर्ण ग्रामीण अर्थव्यवस्थेचा कणा म्हणून पशुपालनाकडे पाहिले जाते. मात्र, यंदा उत्पादनात कमालीची घट झाली आहे. परिणामी, कडब्याची आतापासूनच टंचाई जाणवत आहे. त्यातच ज्वारीचा कडबा महागला आहे. त्यामुळे पशुपालक शेतकरी अडचणीत सापडले आहेत. .या वर्षी निसर्गाच्या लहरीपणामुळे ज्वारीच्या उत्पादनात मोठी घट झाली असून, पशुधनासाठी अत्यंत आवश्यक असलेल्या ज्वारीच्या कडब्याची टंचाई निर्माण झाली आहे. कडब्याचे दर गगनाला भिडल्याने शेतकऱ्यांचे अर्थिक गणित कोलमडले आहे. मुक्या जनावरांना जगवायचे कसे, असा प्रश्न पशुपालकांसमोर उभा आहे..Jowar Fodder: दादर ज्वारीचा कडबा लवकरच उपलब्ध होणार.गतवर्षी झालेल्या अतिवृष्टीमुळे आणि त्यानंतर ऐन रब्बी हंगामातही पावसामुळे ज्वारीच्या पेऱ्यात मोठी घट झाली होती. ज्या शेतकऱ्यांनी ज्वारी पेरली, त्यांच्या पिकावर लष्करी अळीचा प्रादुर्भाव झाल्याने उत्पादनावर मोठा परिणाम झाला. यावर्षी शेतकऱ्यांनी मोठ्या प्रमाणात गहू पेरण्यास पसंती दर्शवली असल्याने ज्वारीचा पेरा कमी झाला आहे. त्यामुळे उत्पादन घटले आहे. स्थानिक बाजारपेठेत कडब्याची आवक कमालीची घटली आहे. चाऱ्याचे संकट टाळण्यासाठी पशुसंवर्धन विभागाने गांभीर्याने दखल घेणे गरजेचे आहे..Jowar Fodder : मळणीमुळे दादर ज्वारीचा कडबा मुबलक.वैरण विकास योजनेच्या माध्यमातून बियाण्यांचे वाटप करणे आणि परराज्यातून किंवा परजिल्ह्यातून चारा उपलब्ध करून देण्यासाठी हालचाली करणे आवश्यक आहे. अन्यथा, ग्रामीण भागातील पशुधन कवडीमोल भावाने विकण्याची वेळ शेतकऱ्यांवर येण्याची शक्यता आहे..उन्हाळ्याची चाहूल लागताच पाण्याची पातळी खालावली आहे. त्यामुळे हिरवा चाराही उपलब्ध नाही. अशा परिस्थितीत एकमेव पर्याय असलेला कडबाही महागल्याने शेतकरी आपली जनावरे पशुबाजारात विक्रीसाठी काढत असल्याचे चित्र ग्रामीण भागात पाहायला मिळत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
