Jishnu Dev Varma Appointed Governor of Maharashtra: महाराष्ट्राच्या राज्यपालपदी जिष्णू देव वर्मा यांची नियुक्ती करण्यात आली आहे. ते सध्या तेलंगणाचे राज्यपाल म्हणून काम पाहात आहेत. देशभरातील राज्यपाल आणि नायब राज्यपालांच्या नियुक्तीत मोठे फेरबदल करण्यात आले आहेत. केंद्र सरकारने गुरुवारी रात्री उशीरा जिष्णू देव वर्मा यांची महाराष्ट्राचे नवे राज्यपाल म्हणून नियुक्ती जाहीर केली. राष्ट्रपती भवनाने याबाबत अधिकृत निवेदन जारी करत याची माहिती दिली आहे..देशाच्या उपराष्ट्रपतीपदी निवड झाल्यानंतर सी. पी. राधाकृष्णन यांनी सप्टेंबर २०२५ मध्ये राज्यपालपदाचा राजीनामा दिला होता. तेव्हापासून गुजरातचे राज्यपाल आचार्य देवव्रत महाराष्ट्राच्या राज्यपालपदाचा अतिरिक्त कार्यभार सांभाळत होते. तसेच विविध राज्यांच्या राज्यपालांच्या बदल्या करण्यात आल्या आहेत. हिमाचल प्रदेशचे राज्यपाल शिवप्रताप शुक्ला यांची तेलंगणाच्या राज्यपालपदी नियुक्ती केली आहे. .दिल्लीचे नायब राज्यपाल विनय कुमार सक्सेना यांची लडाखच्या नायब राज्यपालपदी नियुक्ती केली आहे. अमेरिकेतील माजी भारतीय राजदूत तरनजीत सिंग संधू आता दिल्लीचे नवे नायब राज्यपाल म्हणून जबाबदारी सांभाळतील..Governor Acharya Devvrat: शेतकऱ्यांप्रती सरकार कटिबद्ध : राज्यपाल.तामिळनाडूचे राज्यपाल आर. एन. रवी यांची पश्चिम बंगालच्या राज्यपालपदी नियुक्ती केली आहे. केरळचे राज्यपाल राजेंद्र विश्वनाथ आर्लेकर यांच्याकडे तामिळनाडूच्या राज्यपालपदाची जबाबदारी देण्यात आली आहे..बिहार विधानसभेचे माजी अध्यक्ष नंद किशोर यादव आता नागालँडचे नवे राज्यपाल असतील. लेफ्टनंट जनरल (निवृत्त) सय्यद अता हसनैन यांची बिहारच्या राज्यपालपदी नियुक्ती केली आहे..Desi Cow Conservation: देशी गोवंश संवर्धनाच्या राज्यपालांकडून सूचना .कोण आहेत जिष्णू देव वर्मा?जिष्णू देव वर्मा यांचा जन्म त्रिपुराच्या राजघराण्यात झाला. एक अनुभवी राजकारणी अशी त्यांची ओळख राहिली आहे. याआधी त्यांनी त्रिपुराचे उपमुख्यमंत्री म्हणून काम केले आहे. १९९० च्या दशकापासून भाजपशी जोडलेले आहेत. त्रिपुरा पूर्व येथून त्यांनी तीनवेळा लोकसभा निवडणूक लढवली होती. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
