Buldana News : जिल्ह्यातील जिगाव प्रकल्प बाधित आडोळ खुर्द या गावकऱ्यांनी रस्त्याच्या मुख्य मागणीसह इतर मुद्यांवर प्रशासनाचे लक्ष वेधण्यासाठी दिलेल्या पूर्वनियोजित इशाऱ्यानुसार शुक्रवारी (ता. १५) जलसमाधी आंदोलन करण्याचा प्रयत्न केला. .पूर्णा नदीपात्राजवळ आंदोलन सुरू असताना गौलखेड (ता. जळगाव जामोद) येथील विनोद पवार या युवकाने नदीत उडी घेतली. या युवकाचा अद्यापही शोध लागलेला नसल्याने खळबळ उडाळी आहे. प्रशासनाने शुक्रवारी रात्री उशिरापर्यंत शोधकार्य सुरू ठेवले होते. दरम्यान, शनिवारी (ता. १६) तपास सुरू ठेवण्यात आला..Farmer's Jal Samadhi Protest : युवा शेतकरी संघर्ष समितीच्या नेतृत्वात गोदापात्रात आंदोलन.याबाबत अधिक माहिती अशी, मौजे करणवाडी येथे नवीन गावठाण आडोळ बुद्रूक (पळशी घाट शिवार) शिवारामधून जिगाव प्रकल्पावर जाणाऱ्या जुन्या मुख्य रस्त्याचे डांबरीकरण केले जावे या मागणीसाठी नागरिकांनी महिनाभरापूर्वी जिल्हाधिकाऱ्यांना निवेदन दिले होते. वेळेत मागणी मान्य न झाल्यास स्वातंत्र्यदिनी जलसमाधी आंदोलनाचा इशाराही दिला होता. .त्यानुसार शुक्रवारी गावकरी एकवटले होते. त्या चवेळी विनोद पवार यांनी नदीत उडी घेतली. करणवाडीपासून पळशी घाट शिवार ते जिगाव प्रकल्प असा रस्ता शासनाने मंजूर केला होता. हाच रस्ता गृहित धरून आडोळ खुर्द रहिवाशांनी नवीन गावठाणाचे ठिकाण निश्चित केले होते. हा रस्ता करणवाडी गावातापासून नवीन गावठाण आडोळ खुर्द व आडोळ बुद्रुकला पूर्व दिशेला लागून पळशी घाट शिवारातून जिगाव प्रकल्पाकडे जाणार होता. .त्यासंदर्भात शासनाने रस्ता अधिग्रणाची कार्यवाही केली होती. या रस्त्याची गावकरी अनेक वर्षांपासून मागणीही करीत होते. परंतु काही दिवसांपूर्वी काही अधिकारी व राजकीय पुढाकाऱ्यांनी स्वतःच्या फायद्यासाठी हा रस्ता रद्द करून दुसऱ्या बाजूने वडोदा शिवारालगत नवीन रस्ता तयार करण्याचा घाट घातल्याचा आरोप गावकऱ्यांनी निवेदनात केला होता. .Jal Samadhi Protest : खारेपाटातील ग्रामस्थांचे जलआंदोलन.नवीन रस्ता झाल्यास आडोळ खुर्द, आडोळ बुद्रुकमधील शेतकऱ्यांना शेतीमाल वाहून नेण्यासाठी फायदा झाला असता. मात्र रस्ता बदलण्याचा प्रकार होत असल्याचे लक्षात येताच गावकरी आक्रमक बनले होते. .त्यांनी जलसमाधी आंदोलनाचा इशारा दिला होता. ठरल्यानुसार शुक्रवारी आंदोलनस्थळी नागरिक एकवटले. चर्चा सुरू असतानाच गौलखेड गावातील विशाल पवार या तरुणाने पूर्णा नदीत उडी घेतली. दरम्यान, या घटनेने संपूर्ण जिल्ह्यात खळबळ उडाली असून नागरिकांमधून संतप्त प्रतिक्रिया उमटत आहेत.शोधमोहीम अपयशीघटनेनंतर काही वेळेतच विशाल पवार यांचा शोध घेण्यासाठी बचाव पथके दाखल झाली. बुलडाणा, जळगाव जामोद, नांदुरा येथील जिवरक्षकांनी रात्री उशिरापर्यंत प्रयत्न केले. मात्र, त्यांचा कुठेही शोध लागला नव्हता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
