Maharashtra Rabi Irrigation: दुष्काळाच्या परिस्थितीत मराठवाड्यातील शेतकऱ्यांना मोठा दिलासा मिळणार आहे. जायकवाडी प्रकल्पाच्या पैठण डाव्या आणि उजव्या कालव्यातून येत्या ५ नोव्हेंबरपासून रब्बी हंगामासाठी पहिले आवर्तन सुरु होणार आहे. याबाबतचा निर्णय आज (दि. २ नोव्हेंबर) छत्रपती संभाजीनगर येथे झालेल्या कालवा सल्लागार समितीच्या बैठकीत घेण्यात आला, अशी माहिती जलसंपदामंत्री राधाकृष्ण विखे पाटील यांनी दिली..शेतकऱ्यांना रब्बी हंगामात सिंचनासाठी एकूण ३ आवर्तने मिळणार आहे. यातील पहिले आवर्तन ५ नोव्हेंबरला सोडण्यात येणार आहे. यामुळे सुमारे ५८ हजार ६०० हेक्टर क्षेत्राला सिंचनाचा लाभ मिळेल. या बैठकीत जायकवाडीतील उपलब्ध पाणीसाठा, शेतकऱ्यांची सिंचनाची गरज आणि आगामी आवर्तनांचे नियोजन यावर सविस्तर चर्चा करण्यात आली. कालव्याच्या सुरुवातीच्या भागाबरोबरच शेवटच्या टोकावरील शेतकऱ्यांनाही पाणी मिळाले पाहिजे, यासाठी ‘टेल टू हेड’ पद्धतीने पाणीवाटप करण्यावर विशेष भर दिला जाणार असल्याचे जलसंपदामंत्र्यांनी सांगितले..Marathwada Drought: रब्बीचे नियोजन कागदावरच राहण्याची चिन्हे.पाण्याचे नियोजन करताना प्रत्यक्ष किती क्षेत्रावर पेरणी झाली आहे? याची माहिती विचारात घेणे आवश्यक आहे. त्यामुळे जलसंपदा आणि कृषी विभागाच्या अधिकाऱ्यांनी संयुक्तपणे प्रत्यक्ष पीकक्षेत्राची पडताळणी करून त्यानुसार सिंचनासाठी पाण्याची गरज निश्चित करावी, अशा सूचना देण्यात आल्या आहेत. .Marathwada Agriculture Crisis : पाण्यासाठी बळीराजा चिंतेत; बीड, जालना आणि संभाजीनगर जिल्ह्यात रब्बी पेरण्या थंडावल्या.दोन आवर्तने पूर्ण झाल्यानंतर जानेवारीमध्ये उपलब्ध पाणीसाठ्याचा पुन्हा आढावा घेऊन अतिरिक्त आवर्तनाबाबत निर्णय घेतला जाईल. दोन आवर्तनांमधील अंतरही पिकांची गरज लक्षात घेऊन निश्चित करण्याबाबत बैठकीत चर्चा झाली. यासोबतच गोदावरी नदीच्या खालच्या प्रवाहातील सात बॅरेजेसमध्ये पाणी उपलब्ध करून देण्याच्या विषयावरही चर्चा केली. याचा नदीकाठच्या गावांना फायदा होईल आणि जनावरांसाठी चारा उत्पादनालाही मदत मिळेल. .उपलब्ध पाणीसाठ्याचा योग्य वापर करून शेतकऱ्यांच्या पिकांना वेळेवर पाणी मिळावे. कालव्याच्या प्रत्येक टोकापर्यंत पाणी पोहोचावे आणि पाणीवाटपात कोणावरही अन्याय होऊ नये, यासाठी नियोजनपूर्वक काम करण्यावर भर दिला, असे विखे पाटील यांनी सांगितले. .रब्बी हंगामासाठी चार आणि उन्हाळी हंगामात दोन आवर्तने सोडण्याची मागणी लोकप्रतिनिधींनी केली. त्यापैकी रब्बी हंगामात तीन आवर्तने देण्याची मागणी मान्य करण्यात आली. त्यानुसार पहिले आवर्तन ५ नोव्हेंबरपासून सुरू होणार आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
