Chhatrapati Sambhajinagar: जायकवाडी धरणाचे १८ दरवाजे अर्धा फूट उंचीने उघडून गोदापात्रात दुसऱ्यांदा ९ हजार ४३२ क्युसेक पाण्याचा विसर्ग सुरू करण्यात आला होता. तो दुपारी १२ ते १ वाजेदरम्यान दरवाजे सुमारे दीड फुटाणे उघडून २८ हजार २९६ क्युसेकवर नेण्यात आला. .मागील महिन्यात ३१ जुलै रोजी धरणातून पाणी सोडण्यात आले होते. त्यानंतर पाण्याची आवक जसजशी कमी होत गेली तसतसा विसर्ग घटवून तो थांबविण्यात आला होता. यंदा नाथसागर धरण जुलै महिन्यातच ९३ टक्क्यांपर्यंत गेल्यामुळे व या काळात नाशिक भागात जोरदार झालेल्या पावसामुळे गोदावरीला पूर आला..Jayakwadi Dam : ‘जायकवाडी’तून गोदावरी पात्रात विसर्ग थांबविला.तर अनेकदा गोदावरी दुथडी भरून वाहू लागल्याने हे पाणी नाथसागराच्या दिशेने झेपावले होते. यामुळे जायकवाडी धरण प्रशासनाला वाढता पाणीसाठा व पातळी वाढू लागल्यामुळे धरणातून ३१ जुलै रोजी गोदापात्रात धरणाचे १८ दरवाजे उघडून पाणी सोडावे लागले होते. .दरम्यान, आता नाशिक भागात पुन्हा मोठा पाऊस झाला असून गोदावरी नदीला पूर आला आहे. त्यामुळे त्या भागातील धरणातून पाणी जायकवाडी धरणाच्या दिशेने गोदापात्रात सोडले जात आहे. पाण्याची आवक व धरणातील पाणीसाठा ९५.३२ टक्क्यांवर गेल्याने धरणाचे कार्यकारी अभियंता प्रशांत संत यांच्या मार्गदर्शनाखाली धरणाच्या पाणीपातळीवर विशेष लक्ष केंद्रित करण्यात आले..Jayakwadi Dam Backwater : असंपादित क्षेत्रात जायकवाडीच्या बॅक वॉटरचे पाणी .सकाळी धरणातून पाण्याचा विसर्ग गोदापात्रात सुरू करण्यात आला. त्या वेळी सुमारे १५ हजार क्युसेकने पाण्याची आवक सुरू होती. वाढती आवक लक्षात घेता दुपारी १२ ते १ वाजेदरम्यान धरणाच्या सांडव्याद्वारे विसर्ग वाढवून २८,२९६ क्युसेक विसर्ग गोदावरी नदी पात्रात स्थिर करण्यात आला..त्यासाठी धरणाचे १८ दरवाजे प्रत्येकी १.५ फुटाने उघडण्यात आले. धरणात पाण्याची होणारी आवक पाहता विसर्ग कमी अथवा जास्त करण्याची कार्यवाही करण्यात येणार, असल्याची माहिती धरण प्रशासनाकडून देण्यात आली..कुणीही गोदावरी नदीपात्रात प्रवेश करू नये व कुठलीही जीवित व वित्तहानी होऊ नये याकरिता नदीकाठच्या गावातील नागरिकांनी खबरदारी घ्यावी, नदीकाठच्या गावांनी सतर्क राहावे, असे आवाहनही धरण प्रशासनाकडून करण्यात आले आहे. .धरणाच्या पाणलोट क्षेत्रात येणाऱ्या पाण्याची माहिती धरण नियंत्रण कक्षातून घेतली जात आहे. तसेच उपविभागीय अधिकारी नीलम बाफना, तहसीलदार ज्योती पवार यांनी पाणीपातळीची माहिती घेतली असून सरकारी यंत्रणेला खबरदारी घेण्याच्या सूचना केल्या आहेत. गोदाकाठच्या गावांना सतर्कतेचा इशारा दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
