Beed News : गेवराई तालुक्यातील सेलू येथील पानभरती तसेच मळ्याची शेकडो एकर शेतजमीन ओली(चिबडी) होत असल्याने वर्षानुवर्षे खरिपापाठोपाठ रब्बीतील पिके घेणारा येथील शेतकरी हतबल होत असून, मागील काही वर्षांपासून या दलदलीचा सामना येथील शेतकऱ्यांना करावा लागत आहे..गेवराई तालुक्यातील सेलू हे साधारण दोन ते अडीच हजार लोकसंख्या असलेले गाव आहे. गावाच्या वरील बाजूने जायकवाडीचा उजवा कालवा गेल्याने गावातील जवळपास ९० टक्के शेतशिवार हिरवं झालेले आहे. मात्र, पावसाळ्यात पावसाचे प्रमाण जास्त झाल्यास कालवा खालील विहिरी तुडुंब भरतात. .Soybean Crop Damage : सोयाबीनच्या शेंगा झाडावरच वाळू लागल्या.परिणामी याच विहिरीचे पाणी दहा जणांचे कुटुंब जगवणाऱ्या मळ्याच्या शेतात साचते. यामुळे खरिपाची पिके हातची जातात तर वाफसा होत नसल्याने रब्बीतील पिकांना देखील मुकावे लागते. यंदा देखील शेकडो एकर शेतजमीन चिबडल्याने कपाशी, तूर, सोयाबीन ही पिके हातची गेली आहेत..या परिस्थितीचा सामना येथील शेतकरी जवळपास दहा ते बारा वर्षांपासून करत असून प्रशासन, लोकप्रतिनिधी लक्ष देत नाहीत. वर्षामागून वर्षे जात असून याची पर्यायी व्यवस्था करण्याची मागणी शेतकऱ्यांनी केली आहे..Rain Crop Damage : जुलै मधील अतिवृष्टीमुळे ६० हजार हेक्टरवरील पिकांचे नुकसान....म्हणून जमीन होते पडीकअति पाऊस होताच सेलू येथील जवळपास १०० एकर शेतजमिनीत दलदल होत असल्याने पडीक बनते. थेट दहा महिन्यांनंतर ही शेतजमीन कोरडी होते. यात तर काहींनी चक्क पडीक शेतजमीन ठेवलेली आहे..माझ्या चार एकर शेतजमिनीपैकी दोन एकर कापूस तर दोन एकर सोयाबीन पूर्णतः पाण्यात गेल्याने खरीप तर हातचे गेलेच. शिवाय रब्बीतील पिक घेण्यास शेतजमीन वाफशावर येणे शक्य नसल्याने रब्बीला मुकावे लागणार आहे.- ज्ञानेश्वर वाघ, शेतकरी.शेतजमीन चिबडत असल्याने उसाचे पीक घेत होतो. मात्र, यंदा तीन एकरांत कपाशीची लागवड केली. त्यात कपाशीची झाडे पिवळसर पडत आहेत.- युवराज जाधव, शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
