Wild Fruit Season: सातारा जिल्ह्यातील जावळी तालुक्यात सध्या रानमेव्याच्या सुगंध दरवळत आहे. कास-बामणोली परिसरासह पश्चिम घाटातील डोंगररांगांमध्ये विविध प्रकारचा रानमेवा मुबलक प्रमाणात उपलब्ध होत आहे. आंबुळगी, तोरणे, करवंदे आणि जांभूळ यांसारख्या नैसर्गिक फळांनी जंगल परिसर बहरून गेला असून, पर्यटकांसह स्थानिक नागरिक या रानमेव्याचा मनमुराद आस्वाद घेताना दिसत आहेत..उन्हाळ्याच्या दिवसांत जावळीतील जंगल परिसरात फिरताना या रानमेव्याचा सुगंधच पर्यटकांना आकर्षित करतो. विशेषतः तोरणे, करवंदे आणि जांभळाची चव चाखण्यासाठी अनेक जण खास या भागात भेट देतात..Wild Fruits: रानमेवा बाजारपेठेत लवकर विक्रीला.स्थानिक लोक व शेतकरी हे रानमेवा गोळा करून मेढा- सातारा शहरासह इतर बाजारपेठांमध्ये विक्रीसाठी आणत असल्यामुळे त्यांना आर्थिक उत्पन्नाचाही एक चांगला स्रोत उपलब्ध होत आहे. मात्र, यंदाच्या वाढत्या तापमानाचा परिणाम रानमेव्यावर काही प्रमाणात जाणवत आहे. उष्णतेमुळे काही ठिकाणी झाडांचा मोहोर गळून पडल्याने गेल्या वर्षीच्या तुलनेत उत्पादनात घट होण्याची शक्यता वर्तवली जात आहे. तरीही उपलब्ध असलेला रानमेव्याची चव, पोषणमूल्ये आणि नैसर्गिक गुणधर्मांमुळे नागरिकांच्या पसंतीस उतरते आहे..Wild Fruits: ग्रीष्मातील दाह शमविणारी रानफळे .रानमेवा हा केवळ चवीपुरता मर्यादित नसून त्यामध्ये अनेक औषधी गुणधर्मही आढळतात. त्यामुळे ग्रामीण भागात याला विशेष महत्त्व आहे.Wild Fruits.जावळी तालुक्याचा हा नैसर्गिक ठेवा पर्यावरणाच्या दृष्टीनेही महत्त्वाचा असून, त्याचे संवर्धन करणे ही काळाची गरज असल्याचे मत जाणकारांकडून व्यक्त होत आहे. रानावनातील पशुपक्षी यांची मात्र या रानमेव्यामुळे अन्नाची चिंता मिटली असून, सकाळी सकाळी या जाळ्यांवर पक्ष्यांची झुंबड उडत आहे. काही दिवस तरी त्यांची अन्नाची चिंता मिटली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
