Rainfall Deficit Impact: जळगाव जिल्ह्यात यंदा उडदाची पेरणी घटली आहे. त्यातच पावसाच्या लहरीपणाचा फटका पिकाला बसला आहे. कमी पावसामुळे पिकाची वाढ खुंटली असून, अनेक भागांत पीक पिवळे पडत आहे..काही भागांत पिकाची अनावश्यक वाढ झाली असून, त्याला शेंगाही लागलेल्या नाहीत. मागील हंगामात जूनमध्ये पावसाचा खंड पडल्याने उडदाची पेरणी घटली होती. त्यामुळे पिकाला फटका बसला होता. यंदाही पावसाचा लहरीपणा दिसून आला. पेरण्यांना वेळेत सुरुवात झाली नाही. उडदाची पेरणीही उशिराने झाली. त्यानंतर जुलै आणि ऑगस्टच्या सुरुवातीला अतिपाऊस झाला. आता पावसाने ओढ दिल्याने उडीद पिकाला फटका बसला आहे..Kharif Sowing: गतवर्षी जादा पाऊस, यंदा कमालीची ओढ.काळ्या कसदार जमिनीत अनावश्यक वाढकाळ्या कसदार जमिनीत उडदाची अनावश्यक वाढ झाली आहे. मात्र, त्याला फुले व शेंगा लागलेल्या नसल्याने उत्पादनाला मोठा फटका बसण्याची शक्यता आहे. अनेक शेतांत पीक पिवळे पडले असून, काही ठिकाणी त्यावर नांगर फिरवावा लागत आहे. जिल्ह्यात उडदाची पेरणी जळगाव तालुक्यात अधिक आहे. त्यापाठोपाठ चोपडा, यावल, अमळनेर, चाळीसगाव, भडगाव आणि पाचोरा भागांत उडदाचे पीक घेतले जाते. .Unseasonal Rain Crop Damage: पूर्वमोसमी पावसाचा हळद, कांदा, आंबा उत्पादकांना तडाखा.जिल्ह्यात साधारण १८ ते १९ हजार हेक्टरवर उडदाची पेरणी केली जाते. मात्र, यंदा सुमारे ११ हजार हेक्टरवरच पेरणी झाली आहे. पेरणी क्षेत्र घटल्याने आणि पिकाला बसलेल्या फटक्यामुळे यंदा उडदाचे उत्पादन ४० ते ४५ टक्क्यांनी कमी होण्याची शक्यता आहे. जळगाव तालुक्यातील फुपनगरी, वडनगरी, खेडी खुर्द, विदगाव, भादली बुद्रूक, आसोदा, ममुराबाद, तुरखेडा, आव्हाणे, कानळदा, कडगाव, शेळगाव, भोलाणे आदी भागांत उडदाच्या पिकाचे अतिपावसामुळे नुकसान झाले आहे. अनेक ठिकाणी पीक पिवळे पडून नुकसान होत आहे..पीक उपटून पुरण्याची वेळपीक पिवळे पडल्याने अनेक शेतकरी उडदाचे पीक काढून टाकत आहेत. पिकाच्या अवशेषांमुळे जमिनीत रोगराई किंवा अन्य समस्या निर्माण होऊ नयेत, यासाठी काही शेतकरी पीक उपटून खड्ड्यात पुरत आहेत..पंचनामे करून भरपाईची मागणीअतिपाऊस आणि अन्य समस्यांमुळे उडदाच्या पिकाचे नुकसान झाले आहे. फुपनगरी, कानळदा भागांत पिकाला शेंगा लागलेल्या नाहीत. खेडी खुर्द, आसोदा, ममुराबाद, विदगाव आणि अन्य भागांत पीक पिवळे पडले आहे. त्यामुळे नुकसानीचे पंचनामे करून शेतकऱ्यांना नुकसानभरपाई द्यावी, अशी मागणी शेतकरी करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
