Jalgaon News: जळगाव जिल्ह्यात २०२५-२६ च्या हंगामात हवामानावर आधारित फळ पीकविमा योजनेत मागील हंगामाच्या तुलनेत २७ हजार शेतकरी अधिकचे सहभागी झाले आहेत. तब्बल एक लाख तीन हजार हेक्टर एवढ्या केळी पिकासंबंधी या २०२५-२६ च्या हंगामासंबंधी शेतकऱ्यांनी विमा संरक्षण घेतले आहे. विमा संरक्षित क्षेत्रात मोठी वाढ दिसत असल्याने पुणे येथील कृषी आयुक्तालयातील वरिष्ठ अधिकारी विमा संरक्षित केळी बागांची पाहणी (जिओ टॅगींग) करीत आहेत. .पथकातील अधिकाऱ्यांनी मागील दोन दिवसात विविध तालुक्यांत भेट देवून केळी बागांची पाहणी केली आहे. ज्यांनी केळीची लागवड न करताच योजनेत सहभाग घेतला आहे, त्यांचा योजनेतील सहभाग तत्काळ रद्द केला जात आहे. २०२४-२५ मध्ये या योजनेत जिल्ह्यातील सुमारे ७२ हजार शेतकरी सहभागी झाले होते..७७ हजार हेक्टरवरील केळी बागांसाठी विमा संरक्षण घेण्यात आले होते. यातील सुमारे तीन हजार हेक्टर एवढ्या क्षेत्रात केळीची लागवडच झालेली नसल्याचे पाहणीत किंवा जिओ टॅगींगच्या कार्यवाहीत दिसून आले होते. यंदा मात्र योजनेतील सहभाग मोठा दिसत आहे..Wildlife Crop Insurance: वन्यप्राण्यांनी केलेल्या शेतीपिकांच्या नुकसानीसाठी मिळणार पीक विमा योजनेतून भरपाई; केंद्र सरकारचा निर्णय.कृषी विभाग म्हणतो ८० हजार हेक्टरवर लागवडजिल्ह्यातील कृषी यंत्रणांनुसार जिल्ह्यात केळीची लागवड वाढत आहे. पूर्वी ही लागवड ६५ ते ७५ हजार हेक्टरवर होती. पण अलीकडे त्यात वाढ झाली असून, सुमारे ८० ते ८१ हजार हेक्टरवर केळी पीक आहे..Banana Variety: ‘बीएआरसी’कडून केळीची ‘म्युटंट’ जात विकसित.पण जिल्ह्यात एक लाख तीन हजार हेक्टरवरील केळी पिकासाठी विमा संरक्षण घेतल्याचे दिसत आहे.यामुळे विमा संरक्षित केळी पिकाची जिओ टॅगींग गतीने सुरू आहे. त्यात यंदा विमा संरक्षित क्षेत्र अधिक आहे..दुसरीकडे मनुष्यबळ व अन्य अडचणी लक्षात घेवून केळीची लागवड किती आहे, याचा अंदाज घेण्यासाठी एमआरसॅक तंत्राचा उपयोग केला जाईल, अशी माहिती मिळाली. वरिष्ठ अधिकाऱ्यांनी चोपडा, यावल, जामनेर आदी भागात केळी पिकाची पाहणी केली आहे. वरिष्ठांनी कृषी विभागाशी चर्चाही केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
