Jalgaon News: जळगाव जिल्ह्यात खत वितरण प्रणाली शिस्तबद्ध ठेवण्यासाठी कृषी विकास अधिकारी कार्यालयाने मोठी कारवाई सुरू केली आहे. रिअल टाइम सेल नोंद अनिवार्य करण्यात आली असतानाही अनेक कृषी सेवा केंद्रांकडून विक्रीची माहिती वेळेत पोर्टलवर अपलोड न केल्याचे निदर्शनास आले असल्याने कृषी विभागाकडून जिल्ह्यातील २०० खत विक्रेत्यांना नोटीस बजाविण्यात आली. .खतांचा होणारा काळाबाजार रोखण्यासाठी खत विक्रेत्यांना मिळालेला खतांच्या स्टॉकची माहिती अद्ययावत ठेवण्यासाठी रिअल टाइम सेल नोंद करणे बंधनकारक करण्यात आले आहे. याची विक्रेते नोंद ठेवत आहेत..Latur Fertilizers Scam: बेकायदा खतविक्री करणाऱ्या कंपनी प्रतिनिधीविरुद्ध गुन्हा.मात्र काही जणांकडून ही नोंद ठेवली जात नसल्याचे निदर्शनास आले आहे. यासंदर्भात जिल्ह्यातील सुमारे २०० खतविक्री केंद्र चालकांना कारणे दाखवा नोटीस देऊन जिल्हा स्तरावरील सुनावणीसाठी उपस्थित राहण्याचे निर्देश कृषी विकास अधिकारी यांनी दिले होते..दंडात्मक कारवाईनोटीस दिल्यानंतर जिल्हा अधीक्षक कृषी अधिकारी यांच्याकडे या बाबतीत दोन टप्प्यांत संबंधित खत विक्रेत्यांची सुनावणी झाली आहे. त्यानुसार संबंधितांचे खुलासे प्राप्त झाले असून, आता खत (नियंत्रण) आदेश व आवश्यक वस्तू कायद्यानुसार संंबंधित विक्रेत्यांवर दंडात्मक कारवाई करण्यात येईल..Fertilizer Sales Licenses : विकास संस्था, शेती सेवा केंद्रांचे दोनशे खतविक्री परवाने प्रलंबित.तसेच ज्या सेवा केंद्रांनी अद्याप माहिती अपलोड केली नाही त्यांनी, ती तत्काळ पूर्ण करून आवश्यक कागदपत्रांसह कार्यालयाशी संपर्क साधावा, अन्यथा प्रशासकीय कारवाई करण्यात येईल, असे कृषी विभागाच्या प्रशासनाने स्पष्ट केले आहे..शेतकऱ्यांना खत खरेदी करताना आधार कार्ड सोबत आणणे बंधनकारक आहे. खत विक्रेत्यांनी देखील रिअल टाइम सेल नोंदीत दिरंगाई, माहिती लपविणे किंवा नियमबाह्य व्यवहार करू नये.- पद्मनाभ म्हस्के, कृषी विकास अधिकारी, जिल्हा परिषद, जळगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
