Banana Farmers: निर्यातक्षम केळी निर्यातीसाठी जळगाव जिल्ह्यात केळीचे पॅक हाउस आणि कोल्ड स्टोअरेज नाहीत, हा मुख्य अडथळा आहे. तो दूर करण्यासाठी केंद्र सरकारच्या अपेडाकडून शेतकऱ्यांना भरघोस आर्थिक सहकार्य करून येत्या सहा महिन्यांत किमान पाच ते सहा कोल्ड स्टोअरेज जिल्ह्यात उभे करण्याचा प्रयत्न करेन, अशी माहिती नाशिक हेल्कॉनचे मुख्य कार्यकारी अधिकारी आणि केंद्रीय पथकाच्या जळगाव दौऱ्याचे समन्वयक सतीश गर्जे यांनी दिली. .श्री. गर्जे यांनी सांगितले, की जिल्ह्यातील केळीची निर्यात वाढण्यासाठी कृषी विभागाच्या माध्यमातून झालेल्या पाहणी दौऱ्यात भुसावळ, सावदा, तांदळवाडी येथे अधिकाऱ्यांनी भेटी देऊन केळी निर्यातीत येणाऱ्या अडचणींबाबत माहिती घेतली आणि शेतकऱ्यांशी संवाद साधला. जिल्ह्यात पॅक हाउसेस आणि कोल्ड स्टोअरेज उभारण्यासाठी अपेडा संस्था पुढाकार घेणार आहे..Post Harvest Management: फळ काढणीनंतर करावयाची कामे.येत्या सहा महिन्यांच्या आत जिल्ह्यातील केळी उत्पादक पट्ट्यात एक किंवा दोन हजार टन क्षमतेचे पाच ते सहा पॅक हाउस व कोल्ड स्टोअरेज शेतकऱ्यांच्या माध्यमातून उभारण्याचा प्रयत्न होईल. त्यासाठी शेतकऱ्यांनी व्यक्तिगत किंवा फार्मर्स प्रोड्यूसर कंपनीच्या माध्यमातून पुढे येऊन प्रस्ताव सादर करावेत. हेल्कॉन व जिल्हाधिकारी कार्यालयाच्या माध्यमातून लवकरच केळी उत्पादक शेतकऱ्यांची बैठक घेणार असल्याचेही त्यांनी सांगितले..Banana Variety Selection: कमी पावसातील लागवडीसाठी केळीचा कंद निवडताना काय तपासावे?.भुसावळ रेल्वे यार्डात कोल्ड स्टोअरेज उभारण्याचा प्रस्ताव तांत्रिकदृष्ट्या अडचणीचा असून, सध्या भुसावळजवळ कोल्ड स्टोअरेज उभे करायला प्राधान्य द्यावे लागेल. सध्या जळगाव जिल्ह्यातील केळी अरब देशात निर्यातीसाठी नाशिक जिल्ह्यातील कोल्ड स्टोअरेजमध्ये ठेवावी लागते आणि तिथपर्यंतच्या प्रवासात योग्य ते तापमान नियंत्रित न झाल्याने ही केळी युरोप किंवा रशियात निर्यात करता येत नाही. .केळी युरोप आणि रशियात निर्यात करण्यासाठी ती कापणी झाल्याबरोबर जळगाव जिल्ह्यातील कोल्ड स्टोअरेजमध्ये ठेवली जाणे महत्त्वाचे आहे. त्या दृष्टिकोनातून जिल्ह्यातच कोल्ड स्टोअरेज उभारण्यावर अधिकाऱ्यांचे एकमत झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
