Solapur News : जाधववाडी (मो.) येथील जलजीवन मिशनचे काम पूर्णत्वास जाऊन जवळपास वर्ष लोटले. परंतु नागरिकांना एक थेंबही पाणी मिळाले नाही. ग्रामपंचायत पदाधिकारी व प्रशासनाच्या उदासीनतेमुळे लाखो रुपयांच्या योजनेपासून ग्रामस्थ वंचित आहेत. केवळ वीज जोडणी नसल्याने लाखो रुपये खर्च करून उभारलेली यंत्रणा वर्षभरापासून बंद आहे..मोडनिंबपासून जवळच असलेल्या जाधववाडी या खेड्याची लोकसंख्या केवळ सतराशेच्या आसपास आहे. गावाची पाणीपुरवठा व्यवस्था सुरळीत करण्यासाठी शासनाने जलजीवन अंतर्गत सुमारे ८५ लाख रुपयांची योजना मंजूर केली. तीन वर्षांपूर्वी सुरू झालेले हे काम डिसेंबर २०२४ मध्येच पूर्णत्वास गेले. .Jal Jeevan Mission : जलजीवनच्या पाणीपुरवठा योजना रखडल्या.या योजनेमध्ये भापकर तलावातील विहिरीसाठी सुमारे सोळा लाख रुपये, पंपिंग मशिनरीसाठी साडेदहा लाख रुपये, ऊर्ध्व वाहिनीसाठी साडेबारा लाख रुपये, जलकुंभासाठी सुमारे बारा लाख रुपये तर वितरण व्यवस्थेसाठी सुमारे ३४ लाख रुपयांची तरतूद करण्यात आली होती..Jal Jeevan Mission : जालना जिल्ह्यातील ‘जलजीवन’ची २५८ कामे पूर्ण; ३१९ पूर्णत्वाच्या टप्प्यांत .ही सर्व कामे पूर्णत्वास गेली आहेत. योजनेसाठी आवश्यक असणाऱ्या विद्युत पुरवठ्यासाठी स्वतंत्र रोहित्राची आवश्यकता आहे. यासाठी वीज वितरण कंपनीकडे जोडणीची मागणी करण्यात आली. परंतु जाधववाडी ग्रामपंचायतीकडे वीज वितरणची सुमारे १२ लाख रुपये थकबाकी आहे. जुन्या पाणीपुरवठा योजनेचे हे वीजबिल थकीत आहे. ही थकबाकी भरल्याशिवाय नवीन वीज जोडणी मिळणार नसल्याचे महावितरणकडून सांगण्यात आले आहे..दहा टक्के रक्कमही भरण्याची तयारी नाहीकमी उत्पन्न असणाऱ्या ग्रामपंचायतीस १२ लाखांची थकबाकी भरणे अशक्यप्राय आहे. ग्रामपंचायतीने यापैकी किमान दहा टक्के तरी रक्कम भरावी, असा प्रस्ताव वीज वितरण कंपनीने दिला. याकरिता आवश्यक असणारी एक लाख वीस हजार रुपयांची रक्कमही मागील दहा महिन्यांपासून ग्रामपंचायत भरू शकली नाही. याशिवाय जलजीवन योजना कार्यान्वित होणे, अशक्यप्राय आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
