Chhatrapati Sambhajinagar News: महाराष्ट्रातील सर्वच जमिनीमधील सेंद्रिय कर्बाचे प्रमाण झपाट्याने कमी होत आहे. मृदा निरोगी ठेवण्यासाठी सेंद्रिय कर्ब वाढवण्यावर सर्वात जास्त भर देणे अत्यंत आवश्यक आहे. कृषी रसायने, रासायनिक खते यासोबतच पाण्याचा देखील संतुलित वापर होणे आवश्यक, असल्याचे मत जिल्हा अधीक्षक कृषी अधिकारी प्रकाश देशमुख यांनी व्यक्त केले..कृषी विज्ञान केंद्र, पैठण रोड, छत्रपती संभाजीनगर, जिल्हा मृद सर्वेक्षण व मृद चाचणी अधिकारी आणि कृषी विभाग छत्रपती संभाजीनगर यांच्या संयुक्त विद्यमाने सांजखेडा (ता. छत्रपती संभाजीनगर) येथे जागतिक मृदा दिन कार्यक्रम घेण्यात आला. यानिमित्त कृषी विज्ञान केंद्रात राबविण्यात येत असलेल्या राष्ट्रीय कृषी विकास योजना अंतर्गत शेतकरी शास्त्रज्ञ सुसंवाद कार्यक्रम घेण्यात आला..Soil Health: काडीकचरा, पालापाचोळ्याचे कंपोस्ट रूपांतर शेतातच करणे फायदेशीर .यावेळी कार्यक्रमाच्या अध्यक्ष म्हणून सरपंच श्रीमती कस्तुरताई भोपळावत तर प्रमुख पाहुणे म्हणून फळबाग संशोधन केंद्राचे माजी प्रमुख डॉ. एम. बी. पाटील, कृषी विज्ञान केंद्र, छत्रपती संभाजीनगर-१ च्या कार्यक्रम समन्वयक डॉ. दीप्ती पाटगावकर, छत्रपती संभाजीनगर जिल्ह्याच्या जिल्हा मृदा सर्वेक्षण व मृद चाचणी अधिकारी तेजस्विनी साळुंके तसेच कृषी विज्ञान केंद्राचे विषय विशेषज्ञ डॉ.बस्वराज पिसुरे, डॉ. संजूला भावर, कार्यक्रम सहायक विवेक पतंगे तसेच सहाय्यक कृषी अधिकारी संदीप शिंदे, शिवानंद आडे यांची उपस्थिती होती..Soil Health: मराठवाड्यातील जमिनीमध्ये नत्र, स्फुरद अन्नद्रव्यांची कमतरता.श्री.देशमुख म्हणाले, की अतिरिक्त पाणी दिल्यामुळे देखील मोठ्या प्रमाणामध्ये जमिनीचा पोत खराब होतो. पाण्याची उपलब्धता जास्त प्रमाणात जरी असेल तरी पिकाला आवश्यक तेवढेच आणि संतुलित पाण्याचा वापर शेतकऱ्यांनी करावा. डॉ. पाटील यांनी सद्य स्थितीतील मोसंबी पिकाचे व्यवस्थापन तसेच मोसंबी बहार व्यवस्थापन आणि मोसंबी पिकातील संतुलित अन्नद्रव्य पाणी व्यवस्थापन याविषयी सविस्तर माहिती दिली. .यावेळी डॉ. पाटगावकर यांनी मृदा आरोग्य पत्रिकेचे वाचन करून ते समजून घेणे गरजेचे असल्याचे सांगितले. डॉ. पिसुरे यांनी मृदा आरोग्य जपण्यासाठी विविध जैविक निविष्ठांचा संतुलित वापर याबद्दल सविस्तर मार्गदर्शन केले. डॉ. भावर यांनी यावेळी डाळिंब, आंबा व इतर फळपीक व्यवस्थापन याबद्दल सविस्तर मार्गदर्शन केले. श्री. पतंगे यांनी सूक्ष्म अन्नद्रव्य, मुख्य अन्नद्रव्य यांचे जमिनीतील महत्त्व याबद्दल सविस्तर माहिती दिली. कार्यक्रमाचे आभार मानले. कार्यक्रमाचे सूत्रसंचालन शिवानंद आडे यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
