Raigad News : माणगाव तालुक्यात साधारण ५० वर्षांपूर्वी सुरू झालेला ‘काळ प्रकल्प’ हा शेतकऱ्यांसाठी आशेचा किरण मानला गेला होता. सिंचनाचा विस्तार, शेतीची उत्पादनवाढ आणि गावागावांत पाण्याचा स्थिर पुरवठा हा या प्रकल्पाचा उद्देश होता, मात्र आज, या प्रकल्पाचे वास्तव चित्र वेगळे आहे. प्रकल्पावर कोट्यवधी रुपये खर्च झाले असले तरी अपेक्षित परिणाम साधता आलेले नाहीत..‘काळ प्रकल्पा’वरील या सिंचन योजनेचा प्रारंभ सुमारे १९७० च्या सुमारास करण्यात आला. १९७७ मध्ये काळ प्रकल्प प्रत्यक्षात सुरू झाला. प्रकल्पासाठी शासनाने सुमारे ११० कोटींचा अंदाजित खर्च मंजूर केला होता. सुरुवातीच्या आराखड्यानुसार सुमारे ३५०० हेक्टर क्षेत्र ओलिताखाली आणण्याचे लक्ष्य ठेवण्यात आले होते. प्राथमिक टप्प्यात काही गावांमध्ये कालवे व उपकालवे पूर्ण झाले आणि शेतकऱ्यांना पहिल्या दोन वर्षांत काही प्रमाणात पाणी उपलब्ध झालेही, मात्र त्यानंतर सिंचनामध्ये घटहोत गेली..Shaktipeeth Project Scam: ‘शक्तिपीठ प्रकल्पा’त ५० हजार कोटींचा भ्रष्टाचार; राजू शेट्टींचा आरोप.प्रवाह अर्ध्यावरसुरुवातीला पाणी मिळाल्याने भात, भाजीपाला, कलिंगड, खरबूज आणि हंगामी पीक वाढले, पण आता प्रकल्पातले पाणी शेवटपर्यंत पोहोचत नाही. प्रकल्पाच्या आरंभीच्या आराखड्यानुसार सुमारे २३ गावांना या योजनेचा लाभ मिळणार होता, मात्र सध्या केवळ ८ ते १० गावांना आंशिक लाभ मिळत आहे..Farmer: नानाजी देशमुख कृषि संजीवनी प्रकल्पा अंतर्गत शेतकऱ्यांना मिळणार विविध योजनांचा लाभ.वास्तव परिस्थिती‘काळ प्रकल्प’ हे केवळ जल संपदेशाच संबंधित नाही, तर स्थानिक अर्थव्यवस्थेशी निगडित आहे. सरकारने कोट्यवधींचा निधी खर्च करूनही आज हजारो शेतकऱ्यांना त्याचा पूर्ण लाभ मिळत नाही, हे वास्तव आहे. “सिंचनाचा प्रवाह थांबला की गावाचा विकासही थांबतो”, हे वास्तव लक्षात घेऊन प्रशासनाने याकडे गांभीर्याने पाहावे, अशी अपेक्षा आता शेतकऱ्यांनी व्यक्त केली आहे..माणगाव आणि मोरबा शाखा कालव्याची अस्तरीकरण व बांधकामाची कामे वरिष्ठ स्तरावर मंजूर असून, पुढील कार्यवाही सुरू आहे. सदर कामे महाराष्ट्र सिंचन सुधार कार्यक्रमामध्ये अंतर्भूत असून, प्रत्यक्ष सिंचन वाढविणे हे प्रशासनाचे उद्दिष्ट आहे.- श्वेता चिचुलकर, सहाय्यक कार्यकारी अभियंता, पाटबंधारे उपविभाग माणगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
