Iran Missile attack on US Bases: अमेरिकेने इराणवर नव्याने हवाई हल्ले केल्यानंतर इराणनेही आखाती प्रदेशातील अमेरिकेशी संबंधित अनेक लक्ष्यांवर प्रत्युत्तरात्मक कारवाई केल्याचा दावा केला आहे. इराणच्या ‘इस्लामिक रिव्होल्युशनरी गार्ड कॉर्प्स’ (आयआरजीसी) आणि लष्कराने बहारीनमधील ॲमेझॉन कंपनीच्या डेटा सेंटरवर, जॉर्डन व कुवेतमधील अनेक अमेरिकी तळांवर क्षेपणास्त्र आणि ड्रोन हल्ले केल्याचे म्हटले आहे..इराणच्या सरकारी प्रसारमाध्यमांनी प्रसिद्ध केलेल्या निवेदनानुसार, ‘ऑपरेशन नस्र-२’ अंतर्गत ‘आयआरजीसी’च्या हवाई दलाने जॉर्डनमधील अमेरिकेची क्षेपणास्त्र संरक्षण रडार प्रणाली नष्ट केली असून, धावपट्टीवर उभे असलेले एफ-१५ लढाऊ विमानही उद्ध्वस्त केले..US-Iran Conflict: कुवेतमधील अमेरिकी तळांवर इराणचे ड्रोन हल्ले.‘आयआरजीसी’ने बहारीनमधील ॲमेझॉनच्या डेटा सेंटरवर अनेक क्रूझ क्षेपणास्त्रे डागून ते नष्ट केल्याचाही दावा केला आहे..US Iran Conflict: अमेरिका- इराणदरम्यानच्या युद्धज्वरात उत्तरोत्तर वाढ.हा हल्ला अमेरिकेने इराणमधील दार खुयिन परिसरातील नागरी प्रकल्पावर केलेल्या हल्ल्याच्या प्रत्युत्तरादाखल करण्यात आल्याचे निवेदनात म्हटले आहे. याशिवाय, जॉर्डनमधील रुकबान परिसरातील अमेरिकी लष्करी तळावर हल्ला करून अनेक अमेरिकी सैनिक ठार केल्याचा दावाही इराणने केला आहे..‘अमेरिकेच्या हल्ल्यांना प्रत्युत्तर’यापूर्वी अमेरिकेच्या ‘सेंट्रल कमांड’ने अध्यक्ष डोनाल्ड ट्रम्प यांच्या निर्देशानुसार इराणवरील नव्या हवाई कारवाईची घोषणा केली होती. त्यानुसार होर्मूझ सामुद्रधुनीवरील इराणचा प्रभाव कमी करण्यासाठी त्या देशाच्या विविध भागांवर हल्ले करण्यात आले. त्यानंतर आपण प्रत्युत्तरात्मक कारवाई केल्याचा दावा इराणने केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
