Iran Protests Death Toll: इराणमध्ये गेल्या दोन आठवड्यापासून सरकारविरोधी निदर्शने सुरु आहेत. येथील परिस्थिती अत्यंत गंभीर बनली आहे. येथे सुरक्षा दलांनी आंदोलने मोडीत काढण्यासाठी केलेल्या हिंसक कारवाईत आतापर्यंत किमान २,५७१ लोकांचा मृत्यू झाला आहे, अशी माहिती मानवाधिकार कार्यकर्त्यांनी बुधवारी सकाळी दिली. इराणच्या ४७ वर्षांच्या इतिहासातील हे सर्वात तीव्र सरकारविरोधी निदर्शने असल्याचे सांगितले जात आहे. .मृतांची आकडेवारी अमेरिकेतील मानवाधिकार कार्यकर्ता वृत्तसंस्थेने दिली आहे. इराणमध्ये सध्या सरकारविरोधात तीव्र निदर्शने सुरु आहेत. यादरम्यान मोठी जीवितहानी झाली आहे. यातील मृतांमध्ये २,४०३ निदर्शकांचा समावेश आहे. तर १४७ सुरक्षा दलातील कर्मचारी आणि सरकारी समर्थकांचा मृत्यू झाला आहे, असे कार्यकर्त्यांच्या गटाने म्हटले आहे. यात १२ मुले आणि ९ नागरिक मृत्युमुखी पडले आहेत; ज्यांच्या निदर्शनांमध्ये सहभाग नव्हता, असे या गटाकडून सांगण्यात आले आहे. सुरक्षा दलांनी १८,१०० हून अधिक लोकांना ताब्यात घेतले आहे..Basmati Rice Price: इराणमधील संघर्षाचा बासमती निर्यातीवर परिणाम, दरात घसरण .इराणमधील इंटरनेट सेवा बंद असल्यामुळे परदेशातून तेथील परिस्थितीचा अंदाज बांधणे कठीण झाले आहे. तसेच इराण सरकारने जीवितहानीबाबत कोणत्याही प्रकारची अधिकृत आकडेवारी दिलेली नाही. दरम्यान, अमेरिकेचे राष्ट्राध्यक्ष डोनाल्ड ट्रम्प यांनी, आंदोलकांच्या हत्येच्या घटना खपवून घेतल्या जाणार नसल्याचा इशारा इराण सरकारला दिला आहे. आंदोलकांना लवकरच मदत मिळेल, असेही त्यांनी म्हटले आहे..Basmati Exports: इराणला होणारी बासमती तांदळाची निर्यात संकटात, २ हजार कोटींचा साठा बंदरावर अडकला.ट्रम्प यांच्याकडून इराणी जनतेला निदर्शने सुरू ठेवण्याचे आवाहन करण्यात आले आहे. तर दुसरीकडे इराण सरकारकडून काही निर्बंध अंशतः उठवण्यात आले आहेत. यामुळे लोकांना गेल्या काही दिवसांनंतर परदेशात फोन कॉल करता येत आहेत. दरम्यान, इंटरनेट आणि एसएमएस सेवा बंदच आहे. ज्यामुळे देशांतर्गंत आणि बाहेर संपर्क मर्यादितच राहिला आहे. .तर इराण सरकारने ट्रम्प यांच्यावर राजकीय अस्थिरता निर्माण करणे, हिंसाचार भडकवण्याचा आणि देशाच्या सार्वभौमत्वाला धोका पोहोचवल्याचा आरोप केला आहे. संयुक्त राष्ट्रांमधील इराणचे राजदूत अमीर सईद इरावानी यांनी याबाबत सुरक्षा परिषदेला पत्र लिहिले आहे. त्यात त्यांनी, अमेरिका आणि इस्रायल हे इराणमधील निष्पाप नागरिकांच्या, विशेषतः तरुणांच्या मृत्यूला जबाबदार असल्याचा आरोप केला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
