Basmati Rice Export: अमेरिका आणि इस्रायलच्या हल्ल्यांमुळे इराणमध्ये (US Israel Attack Iran) होणारी भारताची तांदूळ निर्यात ठप्प झाली आहे. यामुळे विशेषतः हरियाणा, पंजाबमधील बासमती तांदूळ निर्यातदारांनी चिंता व्यक्त केली आहे. इराणमधील सर्वात मोठे बंदर असलेल्या बंदर अब्बास मार्गे इराण आणि अफगाणिस्तानला होणारा पुरवठा थांबवण्यात आला आहे. याचा फटका हरियाणातील तांदूळ निर्यातदारांना बसू शकतो. ."या युद्धाचा व्यापारावर काही प्रमाणात परिणाम आधीच दिसू लागला आहे," असे तांदूळ निर्यातदार संघटनेचे हरियाणा राज्य युनिटचे अध्यक्ष सुशील कुमार जैन यांनी सांगितले. "परिस्थितीत जोपर्यंत सुधारणा होत नाही तोपर्यंत तांदळाचा पुरवठा थांबेल आणि त्याचा बाजारावर परिणाम दिसून येईल. तसेच निर्यात मालाचे पैसे मिळण्यासही विलंब होऊ शकतो," अशी चिंता जैन यांनी व्यक्त केली आहे. तथापि, याचा नेमका किती परिणाम होईल?, हे आता सांगू शकत नाही. कारण हा संघर्ष किती काळ राहील यावर परिस्थिती अवलंबून असेल, असे त्यांनी नमूद केले..अमेरिका आणि इस्रायलने शनिवारी इराणवर मोठा हल्ला केला. तर इराणने अमेरिकेच्या तळांना लक्ष्य केले. दरम्यान, होर्मुझची सामुद्रधुनी जहाजांच्या वाहतुकीसाठी बंद केली आहे. यामुळे कच्च्या तेलाचे दर भडकले आहेत. .Indian Basmati Rice: पाच हजार टन भारतीय बासमतीची अमेरिकेतून ऑर्डर.बासमती तांदूळ निर्यातीबद्दल जैन म्हणाले की, भारतातून होणाऱ्या एकूण वार्षिक निर्यातीत हरियाणाचा वाटा जवळपास ३५ टक्के एवढा आहे. कर्नाल येथील भात गिरणीचे मालक नीरज कुमार यांनी सांगितले, "युद्ध सुरू झाल्यानंतर अनिश्चिततेची परिस्थिती आहे. याचा व्यापारावर परिणाम दिसून येत असून बासमतीच्या दरात प्रतिकिलो सुमारे ४ ते ५ रुपयांची घसरण झाली आहे. बासमतीचा सध्याचा दर प्रतिक्विंटल ४०० ते ५०० रुपयांवर आला आहे.''.गेल्या वर्षी जूनमध्ये इराण-इस्रायल दरम्यानच्या संघर्षामुळे अशीच परिस्थिती निर्माण झाली होती, असे कुमार यांनी पुढे म्हटले. भारतातील बासमती निर्यातीत हरियाणाचा मोठा वाटा आहे आणि सध्याच्या युद्ध परिस्थितीचा निर्यातीवर परिणाम होईल," असे त्यांनी म्हटले आहे. .Rice Export: भारत-अमेरिका व्यापार करारामुळे तांदूळ निर्यातीला चालना मिळेल, निर्यातदारांना दिलासा."इराण हा भारतीय बासमतीचा सर्वात मोठा खरेदीदार देश आहे. तसेच युएई, ओमान, येमेन आणि इराकसह इतर देशांतदेखील बासमतीची निर्यात केली जाते. सध्याच्या परिस्थितीचा मार्च महिन्यातील पुरवठ्यावर परिणाम होईल. व्यापारावर होणारा थेट परिणाम युद्ध किती काळ चालू राहील? यावर अवलंबून असेल," असे त्यांचे म्हणणे आहे. युद्धादरम्यान जहाजांसाठी विमा संरक्षण नसल्याबद्दलही निर्यातदारांनी चिंता व्यक्त केली आहे..भारतातून २०२४-२५ मध्ये ६० लाख टन बासमतीची निर्यात सौदी अरेबियानंतर इराण ही भारतासाठी दुसऱ्या क्रमांकाची बासमती तांदळाची बाजारपेठ आहे. मार्चमध्ये संपलेल्या २०२४-२५ च्या आर्थिक वर्षात भारताने इराणला सुमारे १० लाख टन बासमतीची निर्यात केली होती. भारताने २०२४-२५ दरम्यान एकूण सुमारे ६० लाख टन बासमती तांदळाची निर्यात केली होती. मुख्यतः मध्य पूर्व आणि पश्चिम आशियातून मागणी अधिक राहिली. इराक, संयुक्त अरब अमिराती आणि अमेरिका येथून भारतीय बासमती तांदळा मागणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
