Pomegranate Crop Insurance : डाळिंब पिकासाठी बुलडाणा, जळगाव, सोलापूर, नाशिक, जालना, अहिल्यानगर, लातूर, धाराशिव, पुणे, सातारा, वाशीम, परभणी, सांगली, छत्रपती संभाजीनगर, बीड, अकोला, हिंगोली या अधिसूचित जिल्हा, तालुक्यातील अधिसूचित महसूल मंडळात लागू आहे. या जिल्ह्यात शासनामार्फत अधिसूचित महसूल मंडळ पातळीवर असलेल्या महावेध प्रकल्पांतर्गत स्थापन केलेल्या हवामान केंद्र आकडेवारीवरून नुकसान भरपाई अंतिम केली जाते. .या योजनेअंतर्गत दोन वर्ष वय पूर्ण असलेल्या डाळिंब बागेस विमा कंपनी मार्फत खाली नमूद केलेल्या विमा संरक्षण कालावधीत निवडक हवामान धोक्यामुळे होणाऱ्या संभाव्य पीक नुकसानीस (आर्थिक) खालील प्रमाणे विमा संरक्षण प्रदान होईल.विमा संरक्षण रक्कम प्रति हेक्टर : १,६०,००० रुपयेभाग घेण्यासाठी अंतिम दिनांक : १४ जानेवारी २०२६.Pomegranate Crop Disease: डाळिंब पिकावरील मावा कीड.शेतकऱ्यांसाठी विमा हप्ता : ८,००० ते २०,००० रुपये प्रति हेक्टर.गारपिटीपासून १५ जानेवारी ते ३० एप्रिलपर्यंत कालावधीसाठी विमा संरक्षित रक्कम ः ५३,००० रुपये प्रति हेक्टरसाठी शेतकऱ्यांना विमा हप्ता २,६५० रुपये प्रति हेक्टर.टीप : गारपिटीमुळे नुकसान झाल्यास नुकसानीबाबत संबंधित विमा कंपनीला घटना घडल्यापासून ७२ तासांच्या आत सूचना देणे आवश्यक आहे.शेतकऱ्यांसाठी विमा हप्ता हा सर्वसाधारणपणे विमा संरक्षित रकमेच्या ५ टक्क्यांच्या मर्यादेत असतो. मात्र एकूण वास्तव दर्शी विमा हप्ता ३५ टक्यांहून अधिक असल्यास त्या अधिक विमा हप्त्यातील ५० टक्के भार शेतकऱ्यांना उचलावा लागतो. विमा हप्ता दर जिल्हानिहाय वेगवेगळे असू शकतात. त्यामुळे शेतकऱ्याने भरवायच्या विमा हप्त्यात जिल्हानिहाय फरक असू शकतो..शेतकऱ्यांचा योजनेतील सहभागयोजनेत अधिसूचित क्षेत्रात, अधिसूचित फळपिकासाठी सर्व शेतकरी भाग घेवू शकतात. योजनेत भाग घेण्यासाठी शेतकऱ्याचा agristack नोंदणी क्रमांक आवश्यक आहे.ज्या शेतकऱ्यांनी डाळिंब पिकासाठी मृग बहर २०२५ मध्ये सहभाग घेतला आहे, त्यांना त्याच क्षेत्रासाठी आंबिया बहरामध्ये विमा संरक्षण घेता येणार नाही.पीककर्ज घेणाऱ्या आणि बिगर कर्जदारांसाठी योजनेतील सहभाग ऐच्छिक राहणार आहे..Pomegranate Price: दरामुळे वाढली डाळिंबाची गोडी.बिगर कर्जदार शेतकरी विहित मुदतीत बँकेने किंवा ऑनलाइन फळपीक विमा पोर्टल www.pmfby.gov.in वर विमा हप्ता जमा करून सहभाग घेऊ शकतात. त्यासाठी agristack नोंदणी क्रमांक, आधार कार्ड, जमीन धारणा ७ /१२ , ८(अ) उतारा आणि पीक लागवड स्वयंघोषणा पत्र, फळबागेचा जिओ टॅगिंग केलेला फोटो, बँक पासबुकवरील बँक खात्याबाबत सविस्तर माहिती लागेल. कॉमन सर्व्हिस सेंटर मार्फत अर्ज ऑनलाइन भरता येतील.एक शेतकरी त्याच्याकडे एकापेक्षा अधिक फळपिके असल्यास योजना लागू असलेल्या पिकांसाठी तो विमा योजनेत सहभाग घेऊ शकतो (मात्र त्या फळपिकासाठी ते महसूल मंडळ अधिसूचित असणे आवश्यक आहे.).शेतकऱ्यांनी फळपीक लागवड केलेली नसताना किंवा उत्पादन योग्य फळपीक नसताना, दुसऱ्याच्या जमिनीवर किंवा शासनाच्या जमिनीवर, अकृषक जमिनीवर विमा काढून विमा योजनेत सहभाग घेतल्यास त्यांचे विरुद्ध कडक कारवाई होऊ शकते.शेतकऱ्यांनी फक्त स्वतःच्या जमिनीवर विमा घ्यावा.गारपीट या हवामान धोक्यापासून आंबिया बहरमधील फळपिकांना विमा संरक्षण दिले जाते. त्यासाठी वरील नियमित विमा व्यतिरिक्त वेगळा विमा हप्ता बँकेत भरावा लागतो..या योजनेत राज्यात प्रति शेतकरी सहभागासाठी कमीत कमी उत्पादनक्षम क्षेत्र २० गुंठे (०.२० हे.) अशी मर्यादा राहील. तसेच जास्तीत जास्त क्षेत्र मर्यादा ही सर्व फळपिके व दोन्ही हंगाम मिळून प्रति शेतकरी चार हेक्टर मर्यादेपर्यंत राहील.सदर फळपीक विमा योजनेतील शेतकऱ्यांनी ई -पीक पाहणी करणे अनिवार्य आहे.विमा योजनेमध्ये सहभागी होण्यासाठी आणि विमा नुकसान भरपाई मिळण्यासाठी शेतकऱ्याचे बँक खाते आधार आधारित पेमेंटसाठी लिंक असावे.भाडेपट्टीने शेती करत असल्यास भाडे करार नोंदणीकृत असावा..या विमा योजनेअंतर्गत हवामान धोक्याच्या ट्रिगर कार्यान्वित झाल्यास त्या महसूल मंडळातील त्या पिकासाठी भाग घेतलेल्या शेतकऱ्यास नुकसान भरपाई रक्कम संबंधित विमा कंपनीकडून देण्यात येणार आहे.संपर्क : अधिक माहितीसाठी शेतकऱ्यांनी आपल्या संबंधित विमा कंपनी किंवा संबंधित तालुका कृषी अधिकारी कार्यालयाकडे संपर्क साधावा.(लेखक कृषी विभागामध्ये कृषी संचालक (प्रक्रिया व नियोजन) आहेत.).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
