Ahilyanagar News: राज्य ऊसतोडणी वाहतूक मुकादम कामगार युनियनच्या सततच्या मागणीनंतर बंद असलेली ऊसतोड मजूर विमा योजना सुरू करण्याच्या हालचाली सुरू झाल्या आहेत. मात्र विमा योजना लागू करताना हप्त्याची रक्कम मजुरांच्या पैशातून कपात न करता शासनाकडे जमा असलेल्या रकमेतून करावी, अशी मागणी युनियनचे अध्यक्ष गहिनीनाथ थोरे पाटील यांनी केली आहे..श्री. पाटील यांनी सांगितले, की राज्यातील जवळपास दोनशे साखर कारखान्यांच्या कार्यक्षेत्रात बीड, अहिल्यानगर, सोलापूर, धाराशिव, जालना, छत्रपती संभाजीनगर, धुळे, जळगाव भागांतून दर वर्षी ऊसतोडणीसाठी १० ते १२ लाख मजूर स्थलांतर करतात. राज्य शासनाने ऊसतोडणी कामगारांसाठी २००३ पासून पद्मश्री डॉ. विठ्ठलराव विखे पाटील ऊसतोड मजूर विमा योजना सुरू केली होती..Sugarcane Worker Issue: ऊस तोडणी कामगारांना फरक न दिल्यास संप.मजुराचा मृत्यू झाल्यास अथवा कायमचे अपंगत्व आल्यास तीन लाख रुपये, एक अवयव निकामी झाल्यास दीड लाख रुपये, टायर गाडीच्या बैलाचा मृत्यू झाल्यास ५० हजार, डोकी सेंटरच्या गाडीच्या बैलाचा मृत्यू झाल्यास ४० हजार, टायर गाडीचा बैल जायबंदी झाल्यास ३० हजार, डोकी सेंटरच्या गाडीचा बैल जायबंदी झाल्यास २५ हजार रुपये मिळत होते. २२ वर्षांपासून सुरू असलेल्या या विमा योजनेतून १४ कोटी रुपये ऊसतोड कामगारांना मिळाले आहेत..Sugarcane Worker Issue: ऊस तोडणी कामगारांना फरक न दिल्यास संप.या विम्यासाठी प्रति टन १० रुपयांप्रमाणे आतापर्यंत अंदाजे १७८ कोटी रुपये कपात केलेले असताना विमा योजना मात्र तीन वर्षांपासून बंद होती. या काळात १४० च्या जवळपास मजुरांचा मृत्यू झाला असून हजाराच्या आसपास मजूर अपंग झाले आहेत. त्यांच्या कुटुंबाला विम्यापासून वंचित राहावे लागले. युनियनच्या पाठपुराव्याने योजनेसाठी हालचाली सुरू आहेत. मात्र पैसे जमा असल्याने मजुरांच्या पैशातून विमा हप्ता कपात न करता शासनाने भरावा अशी आमची मागणी आहे..ऊसतोड मजुरांसाठी विमा योजना लागू होत असल्याची बाब चांगली आहे. बैल व मजुरांच्या विम्यापोटी दहा रुपये मजुरांच्या पैशातून तर दहा रुपये राज्य शासन भरणार असा ठराव झाला होता. त्यानुसार विमा योजना बंद असली तरी प्रती टन दहा रुपये कपात केलेले आहेत. त्यामुळे आता मजुरांच्या पैशातून हप्ता कपात न करता जमा रकमेतून सर्व मजुरांचा विमा हप्ता भरावा.गहिनीनाथ थोरे पाटील, अध्यक्ष, महाराष्ट्र राज्य ऊसतोडणी वाहतूक मुकादम, कामगार युनियन.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
