Jalna News: अंबड, घनसावंगी तालुक्यातील अतिवृष्टी अनुदान घोटाळ्यात तत्कालीन तहसीलदारांची चौकशी करा, असे पत्र जिल्हाधिकारी आशिमा मित्तल यांनी आर्थिक गुन्हे शाखेला काढल्याची माहिती उच्चपदस्थ सूत्रांनी दिली आहे. या दोन तालुक्यांत २०२२ ते २०२४ या काळात तब्बल २४ कोटी ९० लाखांचा अतिवृष्टी अनुदान घोटाळा झाला होता..अंबड, घनसावंगी तालुक्यातील २४० गावांमध्ये २०२२ ते २०२४ या काळात तब्बल २४ कोटी ९० लाख ७७ हजार ८११ रुपयांचा अतिवृष्टी अनुदान घोटाळा झाला होता. याप्रकरणी चौकशी समितीने चौकशी करून महसूलच्या २८ अधिकाऱ्यांविरुद्ध अंबड पोलिस ठाण्यात गुन्हा दाखल केला होता. याप्रकरणात आतापर्यंत आर्थिक गुन्हे शाखेने गुन्हा दाखल असलेले २५ संशयित, गुन्ह्यात निष्पन्न झालेले एजंट, असे एकूण ३२ आरोपी अटक केले आहेत..Flood Relief: भूम तालुक्यात पूरग्रस्तांना ९० कोटींचे अनुदान वाटप.गुन्हा दाखल असलेले तलाठी श्रीनिवास जाधव, सुकन्या गवते, चंद्रकांत खिल्लारे हे तिघे अद्यापही फरार आहेत. या संशयितांचा आर्थिक गुन्हे शाखेकडून शोध सुरू असतानाच आता याप्रकरणातील अंबड आणि घनसावंगीचे तत्कालीन तहसीलदार यांची चौकशी करण्याचे पत्र जिल्हाधिकारी आशिमा मित्तल यांनी आर्थिक गुन्हे शाखेला काढल्याची माहिती समोर आली आहे. तत्कालीन तहसीलदारांची चौकशी सुरू झाली, तर या अतिवृष्टी घोटाळ्यातील संशयितांची संख्या वाढण्याची शक्यता वर्तविली जात आहे..Maharashtra Flood Relief: अतिवृष्टिग्रस्तांसाठी ३ हजार २५८ कोटी.पत्रावर तत्कालीन तहसीलदारांची नावे नाहीतजिल्हाधिकारी आशिमा मित्तल यांनी काढलेल्या पत्रामध्ये तत्कालीन तहसीलदारांची चौकशी करण्याचे निर्देश दिले आहेत. मात्र या पत्रावर तत्कालीन तहसीलदारांची नावे किंवा त्यांचा कार्यकाळ नमूद केलेला नाही, असे उच्चपदस्थ सूत्रांनी सांगितले. .दरम्यान, चौकशी समितीच्या ७२ पानी अहवालात तत्कालीन तहसीलदारांची नावे व जबाब नमूद आहेत. त्यामुळे या प्रकरणाला आता कोणते वळण मिळते, तत्कालीन तहसीलदार चौकशीचे पत्र अधिकृतरीत्या आर्थिक गुन्हे शाखेकडे कधी पोचते, याकडे सर्वांचे लक्ष लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
