Copper Wire Robbery : सोलापूर जिल्ह्यातील शेतकऱ्यांच्या सौर प्लांट व नदी, विहिरींवरील मोटारीमधील कॉपर वायर चोरणाऱ्या चोरट्याला स्थानिक गुन्हे शाखेच्या पोलिसांनी जेरबंद केले आहे. समाधान पवार (रा. रानमसले, ता. उत्तर सोलापूर) असे अटक केलेल्या संशयिताचे नाव आहे..स्थानिक गुन्हे शाखेचे सहायक पोलिस निरीक्षक ज्ञानदेव वाघ यांच्या नेतृत्वातील पथकाला चोरट्याबद्दल माहिती मिळाली होती. रानमसले गावातील समाधान पवार याने त्याच्या तीन साथीदारांसमवेत गौडगाव (ता. बार्शी) येथील सोलर प्लांटमधील कॉपर वायरची चोरी केली होती. याच चोरट्यांनी माढा तालुक्यातील उंदरगाव, वडशिंगे, बेंबळे, रांझणी येथे देखील अशीच चोरी केली होती. यांच्याविरुद्ध पूर्वीचे शेतकऱ्यांचे केबल, मोटारी व शेळ्या चोरीचे गुन्हे होते. .Transformer Theft: रोहित्र फोडले, तारांची चोरी; चौघांना अटक .पोलिस अधीक्षक अतुल कुलकर्णी, अपर पोलिस अधीक्षक विजय कबाडे, गुन्हे शाखेचे वरिष्ठ पोलिस निरीक्षक संजय जगताप यांच्या मार्गदर्शनाखाली सहायक पोलिस निरीक्षक ज्ञानदेव वाघ यांच्या नेतृत्वातील पोलिस उपनिरीक्षक ख्वाजा मुजावर, सहायक पोलिस उपनिरीक्षक नारायण गोलेकर, हवालदार धनाजी गाडे, नागेश कोणदे, मोहन मनसावाले, दिनेश पवार, कोंडीबा मोरे, अक्षय डोंगरे यांच्या पथकाने चोरट्याला पकडले. त्याने चोरीचे साहित्य घरात ठेवले होते..Fake Krushimitra Recruitment: बोगस कृषिमित्र भरतीप्रकरणी कारवाई अहवाल मागविले; कृषी आयुक्तालयाचे निर्देश.त्याच्या घरातून एक लाख ८८ हजार ५०० रुपयांचा मुद्देमाल जप्त केला आहे. त्याच्याविरुद्ध वैराग, माढा, टेंभुर्णी पोलिसांत एकूण सहा गुन्हे दाखल असल्याची माहिती समोर आली आहे..दुचाकीवरून पहाटे यायचे अन् चोरी करून जायचेमध्यरात्री दोन-अडीच वाजण्याच्या सुमारास कोणीही जागे नसताना हे चोरटे शेतकऱ्यांच्या शेतातील मोटारी, केबल, शेळ्या चोरी करून जायचे. दुचाकीवरून यायचे आणि दोघांच्या मध्यभागी मोटारी, केबल, शेळ्या ठेवून त्यावर पोते झाकून मुद्देमाल चोरून नेत होते. रानमसले येथील समाधान पवार याने ओळखीतील तिघांना सोबत घेऊन या चोरी केल्या आहेत. त्यांच्याविरुद्ध दाखल जिल्ह्यात आणखी काही चोरीचे गुन्हे उघड होण्याची शक्यता व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
