ठळक मुद्देआगामी गाळप हंगामात असेल साखरेचा अतिरिक्त साठाकेंद्र सरकार साखर निर्यातीला परवानगी देऊ शकतेसाखर उत्पादन वाढण्याचा अंदाज.Sakhar Niryat : जगातील दुसऱ्या क्रमांकाचा साखर उत्पादक देश असलेल्या भारतात १ ऑक्टोबरपासून सुरू होणाऱ्या गाळप हंगामात साखरेचा पुरेसा अतिरिक्त साठा असेल. यामुळे साखर निर्यातीला परवानगी दिली जाऊ शकते, असे एका वरिष्ठ सरकारी अधिकाऱ्याने शुक्रवारी सांगितले..भारताच्या साखर निर्यातीचा जागतिक बाजारातील किमतीवर दबाव राहू शकतो. पण यामुळे केंद्र सरकारला देशांतर्गत साखरेच्या किमती नियंत्रणात ठेवण्यास मदत होईल आणि साखर कारखान्यांकडून शेतकऱ्यांना ऊसाच्या एफआरपीची रक्कम वेळेत मिळण्याची खात्री मिळेल..Sugar Industry: उद्योगाचा गाडा रुळावर आणा."येणाऱ्या गाळप हंगामात साखर निर्यातीला वाव असेल," असे अन्न आणि सार्वजनिक वितरण विभागाचे संयुक्त सचिव अश्विनी श्रीवास्तव यांनी एका जागतिक परिषदेत बोलताना मत व्यक्त केले. पण, आगामी हंगामात देशातून नेमकी किती साखर निर्यात केली जाऊ शकते? याबाबत त्यांनी काही सांगितले नाही..साखर उत्पादनात घट झाली असली तरी, सप्टेंबरमध्ये संपणाऱ्या चालू विपणन वर्षात भारताकडून १० लाख मेट्रिक टन साखर निर्यातीला परवानगी देण्यात आली..Sugar MSP: साखरेच्या ‘एमएसपी’ वाढीच्या हालचालींना वेग.श्रीवास्तव पुढे म्हणाले की, पुढील हंगामात उत्पादनाचा आकडा चांगला दिसेल. तसेच देशांतर्गत वापर आणि इथेनॉल निर्मितीसाठी लागणारी गरज पूर्ण केल्यानंतर निर्यातीसाठी पुरेसा साठा उपलब्ध असेल..आगामी हंगामात ऊसाच्या कच्च्या मालापासून ४.८ अब्ज लिटर एवढे इथेनॉलचे विक्रमी उत्पादन होण्याची शक्यता आहे, असाही अंदाज त्यांनी व्यक्त केला..आगामी हंगामात किती होईल साखर उत्पादन?इंडियन शुगर आणि बायो-एनर्जी मॅन्युफॅक्चरर्स असोसिएशनने गुरुवारी व्यक्त केलेल्या अंदाजानुसार, १ ऑक्टोबरपासून सुरू होणाऱ्या २०२५/२६ विपणन वर्षात साखर उत्पादन ३४.९ दशलक्ष मेट्रिक टनांपर्यंत वाढू शकते..श्रीवास्तव म्हणाले की, पुढील हंगामात देशातील साखरेचा वापर चालू वर्षाच्या २८ दशलक्ष मेट्रिक टनांच्या तुलनेत २८.५ ते २९ दशलक्ष मेट्रिक टनांपर्यंत वाढण्याची शक्यता आहे..देशात नवीन विपणन वर्षाच्या सुरुवातीला आधीचा ५ दशलक्ष मेट्रिक टन शिल्लक साठा असेल. चालू वर्षाच्या सुरुवातीला हा साठा ८ दशलक्ष मेट्रिक टन एवढा होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
