Rice Export News Updates: अमेरिका- इस्त्रायल विरुद्ध इराण यांच्यातील युद्धाचा भारतातून होणाऱ्या तांदूळ निर्यातीला मोठा फटका बसला आहे. यामुळे भारतातून मध्य पूर्वेतील देशांसह प्रमुख ठिकाणी होणारी तांदूळ निर्यात २०२५-२६ मध्ये ७.५ टक्क्यांनी कमी होऊन ११.५३ अब्ज अमेरिकन डॉलर्सवर आली..वाणिज्य मंत्रालयाच्या आकडेवारीनुसार, मार्चमधील निर्यातीत १५.३६ टक्क्यांची घट झाली. या महिन्यातील तांदूळ निर्यात मुल्य ९,९७५.३ लाख डॉलरपर्यंत खाली आली. युद्धामुळे इराण, संयुक्त अरब अमिरात, सौदी अरेबिया आणि ओमान यांसह मध्य पूर्वेतील देशांत होणाऱ्या पुरवठ्यावर परिणाम झाला आहे. .Rice Export: काही युरोपीय देशांत तांदूळ निर्यातीसाठी केंद्राचा मोठा निर्णय, ६ महिन्यांसाठी तपासणी प्रमाणपत्राची अट शिथिल.इराण हा भारताच्या बासमती तांदळाच्या प्रमुख खरेदीदार देश आहे. पण सध्याच्या संघर्षामुळे मागणीचा ओघ कमी झाला आहे. मालवाहतुकीत अडथळा निर्माण झाला आहे. काही वृत्तांनुसार, काही आयातदारांनी देय रक्कम पाठवणे शक्य नसल्याचे म्हटले आहे. ज्यामुळे निर्यातदारांसमोर अनिश्चिततेचा प्रश्न निर्माण झाला आहे..Wheat Export India : २५ लाख टन गहू निर्यातीला मंजुरी; शेतकऱ्यांच्या हितासाठी निर्णय, केंद्र सरकारचा दावा.भारताने २०२४-२५ मध्ये २०१ लाख टन तांदूळ निर्यात केली. याचे मूल्य १२.५ अब्ज डॉलर्स एवढे होते. हा तांदळू १७२ हून अधिक देशांपर्यंत पाठवण्यात आला होता. पण सध्या निर्यात ठप्प झाली आहे..भारत हा जगातील तांदळाचा सर्वात मोठा उत्पादक आणि निर्यातदार देश आहे. भारतात २०२४-२५ मध्ये ४७० लाख हेक्टर क्षेत्रावर सुमारे १,५०० लाख टन विक्रमी भाताचे उत्पादन घेण्यात आले. हे प्रमाण जागतिक उत्पादनाच्या सुमारे २८ टक्के इतके आहे..उत्पादनात मोठी वाढनवीन वाणाची लागवड, सुधारित पीक पद्धती आणि अधिक क्षेत्र सिंचनाखाली आल्याने सरासरी भात उत्पादन २०१४-१५ मधील प्रति हेक्टरी २.७२ टनांवरून २०२४-२५ मध्ये सुमारे ३.२ टनांपर्यंत वाढल्याचे दिसून आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.