Fertilizer Supply News Updates: आगामी खरीप हंगामापूर्वी शेतीसाठी खतांची टंचाई जाणवण्याची शक्यता केंद्र सरकारने फेटाळून लावली आहे. देशात सर्व प्रमुख खतांची उपलब्धतता गरजेपेक्षा अधिक आहे. एप्रिलच्या मध्यापर्यंत युरियाचा साठा स्थिर होता. यामुळे खतांच्या टंचाईबाबत करण्यात येत असलेले दावे वस्तुस्थितीला धरून नसल्याचे रसायने आणि खते मंत्रालयाच्या खते विभागाने म्हटले आहे..खत टंचाई असल्याची माहिती खरी नाही. नुकत्याच संपलेल्या रब्बी २०२५-२६ हंगाम आणि सध्याची आकडेवारी पाहता, देशभरात खत पुरवठ्याबाबतची स्थिती समाधानकारक आहे. तसेच देशात पुरेसा राखीव साठा उपलब्ध असल्याचे नमूद करण्यात आले आहे. .चालू आर्थिक वर्षातही खत पुरवठा स्थिती सुरळीत आहे. १ एप्रिल २०२६ ते २३ एप्रिल २०२६ दरम्यानच्या कालावधीत खतांचा उपलब्ध साठा हा गरजेहून अधिक राहिला. या कालावधीच १८.१७ लाख टन मागणीच्या तुलनेत युरियाचा साठा ६९.३३ लाख टन उपलब्ध होता. डीएपी ५.९० लाख टनाच्या गरजेच्या तुलनेत २२.७८ लाख टन, पोटॅशयुक्त खत (MOP) १.७३ लाख टन मागणीच्या तुलनेत ८.३२ लाख टन, एनपीकेची ७.४६ लाख टनाची गरज होती, त्या तुलनेत ५२.७५ लाख टन साठा उपलब्ध होता. यातून येत्या खरीप हंगामासाठी खतांचा पुरेसा साठा उपलब्ध असल्याचे दिसते, असे खते विभागाने म्हटले आहे..Fertilizer Shop License Suspension: खत विक्रीतील अनागोंदी भोवली.नुकत्याच संपलेल्या रब्बी हंगामातील आकडेवारीनुसार, ऑक्टोबर २०२५ ते मार्च २०२६ दरम्यान खतांची उपलब्धतता ही गरजेपेक्षा अधिक राहिली. युरियाची १९६.०६ लाख टन इतकी गरज असताना २५७.५९ लाख टन साठा उपलब्ध होता. तर डीएपी ५३.४३ लाख टन मागणीच्या तुलनेत ७५.४० लाख टन इतका होता. एनपीके खते ८२.३८ लाख टन गरजेच्या तुलनेत ११७.४४ लाख टन उपलब्ध होती. .आगामी खरीप हंगामासाठी किती खत साठा उपलब्ध?आगामी खरीप २०२६ हंगामासाठी खतांची ३९०.५४ लाख टन खतांची गरज लागणार असल्याचा अंदाज आहे. या तुलनेत सुमारे १८० लाख टन म्हणजेच ४६ टक्के सुरुवातीचा साठा उपलब्ध आहे. हा खतांचा साठा खरीप हंगामापूर्वीच्या साधारणपणे ३३ टक्क्यांच्या नेहमीच्या पातळीपेक्षा अधिक आहे. यातून सरकारचे आगाऊ नियोजन, आधीच साठा तयार ठेवणे आणि कार्यक्षम पुरवठा साखळी व्यवस्थापन दिसून येते, असा दावा सरकारकडून करण्यात आला आहे..Fertilizer Price : खरीप हंगामातील खत टंचाई टाळण्यासाठी केंद्र सरकारच्या हालचाली सुरु.काळाबाजार रोखण्यासाठी कडक कारवाईचे निर्देशसातत्यपूर्ण उपलब्धतता आणि कार्यक्षम वितरण प्रणाली सुनिश्चित करण्यासाठी प्रत्येक राज्यांचे कृषी सचिव आणि अधिकारी खते विभागाशी सतत समन्वय ठेवून काम करत आहेत, जेणेकरुन खतांची वाहतूक आणि उपलब्धतेवर बारकाईने लक्ष ठेवता येईल. खत साठा दुसरीकडे वळवणे, साठेबाजी, काळाबाजार रोखण्यासाठी कडक कारवाई करण्याचे निर्देशही राज्यांना देण्यात आले आहेत. जेणेकरून खते शेतकऱ्यांना वेळेवर उपलब्ध होतील..आंतरराष्ट्रीय स्तरावर खतांच्या किमतीत मोठी वाढ झाली आहे. आंतरराष्ट्रीय बाजारात युरियाचा दर ठरावीक पातळीपेक्षापेक्षा अधिक म्हणजे प्रति पोते ४ हजार रुपयांवर गेला आहे. असे असतानाही आपल्या देशातील शेतकऱ्यांना युरियाचा पुरवठा ४५ किलोच्या पोत्यासाठी २६६.५ रुपये सवलतीच्या दराने सुरूच ठेवला असल्याचे केंद्राने म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
