India Fertiliser Imports 2026: यंदाच्या चांगल्या पावसामुळे रब्बी पीक क्षेत्रात वाढ झाली. यामुळे हिवाळी पिकासाठी खतांची मागणी वाढली आहे. परिणामी, चालू आर्थिक वर्षात भारतात खत आयात गेल्या वर्षीच्या तुलनेत ७६ टक्क्यांनी वाढण्याची शक्यता आहे. यामुळे खर्च विक्रमी सुमारे १८ अब्ज डॉलर्सपर्यंत पोहोचेल, असा अंदाज सरकारी आणि उद्योगातील अधिकाऱ्यांनी व्यक्त केला आहे. याबाबतचे वृत्त रॉयटर्सने दिले आहे. .यंदा युरिया (Urea) आणि डीएपी (डाय-अमोनियम फॉस्फेट DAP) च्या आयातीत मोठी वाढ झाली आहे. यामुळे एकूण खत आयातीवरील खर्च वाढत चालला आहे, असे सरकारी अधिकारी सांगतात. चालू आर्थिक वर्षाच्या पहिल्या नऊ महिन्यांत भारतात होत असलेली खत आयात मागील वर्षाच्या तुलनेत ७१ टक्क्यांनी वाढली. त्यासाठीचा खर्च १३.९८ अब्ज डॉलर्सवर पोहोचला असल्याचे आकडेवारीवरुन दिसते. .मार्च तिमाहीत युरिया आणि इतर खतांची आणखी मोठी खेप देशात दाखल होण्याची शक्यता आहे. यासाठी आणखी किमान ४ अब्ज डॉलर्स खर्च येऊ शकतो. यामुळे चालू आर्थिक वर्षातील आयात खतावरील एकूण खर्च सुमारे १८ अब्ज डॉलर्सवर जाण्याची शक्यता अधिकाऱ्यानी व्यक्त केली आहे. .Fertilizer Stock India : देशातील युरियाची विक्री वाढली; डीएपीची विक्री घटली, खतांचा साठा पुरेसा असल्याचा सरकारचा दावा.यंदा शेतीसाठी खतांचा वापर गेल्या वर्षीच्या तुलनेत किमान ५ टक्के वाढू शकतो. कारण चांगल्या पावसामुळे रब्बी हंगामात शेतकऱ्यांना पीक लागवडीसाठी प्रोत्साहन मिळाले, असे इंडियन पोटॅश कंपनीचे व्यवस्थापकीय संचालक पी. एस. गहलौत यांनी सांगितले. .जून ते सप्टेंबर दरम्यानच्या मॉन्सून हंगामात देशात सरासरीपेक्षा ८ टक्के अधिक पाऊस पडला. त्यानंतर ऑक्टोबर महिन्यात पावसाचे प्रमाण सरासरीपेक्षा ४९ टक्के अधिक राहिले. यामुळे गहू आणि हरभरा यांसारख्या हिवाळी पीक पेरणीसाठी जमिनीत पुरेसा ओलावा मिळाला. .Urea Import: भारताची युरिया आयात दुपटीहून अधिक, परदेशी पुरवठ्यावर अवलंबित्व वाढले .कृषी मंत्रालयाच्या आकडेवारीवारीनुसार, देशात रब्बी हंगामातील पिकांनी ६५२.३ लाख हेक्टर क्षेत्र व्यापले आहे. हे पीक क्षेत्र गेल्या वर्षीच्या तुलनेत ३.३ टक्क्यांनी अधिक आहे..''या वर्षी झालेला सलग चांगला पाऊस झाल्याने भात पीक क्षेत्र वाढले आहे. यामुळे युरियाचा वापर वाढला'', असे खत उत्पादकांची संस्था फर्टिलायझर असोसिएशन ऑफ इंडियाचे अध्यक्ष एस. शंकरसुब्रमण्यम यांनी म्हटले आहे. मक्यामुळेही युरियाचा वापरही वाढला असल्याचे त्यांनी नमूद केले आहे..यंदा युरिया आयात गेल्या वर्षीच्या तुलनेत ६१ टक्क्यांनी वाढून ९० लाख मेट्रिक टनांवर पोहोचण्याची शक्यता आहे. तर डीएपी आयात ५२ टक्क्यांनी वाढून ७० लाख टनांपर्यंत पोहोचू शकते, असा अंदाजही शंकरसुब्रमण्यम यांनी व्यक्त केला आहे. भारतात प्रामुख्याने ओमान, रशिया, चीन, सौदी अरेबिया आणि मोरोक्को येथून युरिया आणि डीएपीची आयात केली जाते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
