India Economy Import: भारताची खाद्यतेल आयात मागील सहामाहीत १४ टक्क्यांनी वाढली असून, आयातीवरील खर्चात देखील १९ टक्क्यांपर्यंत वाढ झाली आहे. त्यामुळे आयातीसाठीचा खर्च तब्बल ८७ हजार कोटी रुपयांवर गेला आहे. युद्धामुळे पाम तेलाचे भाव वाढल्यानंतर त्याची आयात कमी होऊन सोयाबीन आणि सूर्यफूल तेल आयात वाढू लागली आहे. विशेष म्हणजे नेपाळमधूनही रिफाइंड तेलाच्या आयातीत वाढ झाली आहे, असे ‘सॉल्व्हेंट एक्स्ट्रॅक्टर्स असोसिएशन ऑफ इंडिया’ने (एसईए) म्हटले आहे. .‘एसईए’ने दिलेल्या माहितीनुसार, नोव्हेंबर २०२५ ते एप्रिल २०२६ या सहा महिन्यांत भारताने ७८.१५ लाख टन खाद्यतेल आयात केले आहे. मागील हंगामात याच कालावधीतील आयात ६८.७५ लाख टन होती. म्हणजेच चालू तेल विपणन वर्षाच्या पहिल्या सहामाहीत भारताने जवळपास १४ टक्के अधिक खाद्यतेल आयात केली आहे..Edible Oil Import Duty: खाद्यतेल आयात शुल्क कपातीचा पुनर्विचार करा; सोयाबीन प्रोसेसर असोसिएशन ऑफ इंडियाची मागणी.पामतेलाची आयात ४० लाख टन झाली होती, तर मागील वर्षी याच काळातील आयात २७ लाख टन होती. सूर्यफूल तेलाची आयात याच काळात मागील वर्षी १५ लाख टन होती, जी यंदा २७ लाख टनांवर पोहोचली आहे. तर सोयाबीन तेलाची आयात २३ लाख टन झाली, जी मागील वर्षी याच काळात २६ लाख टन होती..त्याचबरोबर आयातीवरील खर्चात देखील मोठ्या प्रमाणात वाढ झाली आहे. युद्धामुळे खाद्यतेलाचे भाव वाढले आहेत. त्यामुळे आयातीवरील खर्च १९ टक्क्यांनी वाढला आहे. नोव्हेंबर ते एप्रिल या काळात खाद्यतेल आयातीवरील खर्च ८७ हजार कोटींवर पोहोचला आहे. मागील वर्षी याच काळातील आयातीवरील खर्च ७३ हजार कोटी होता..एप्रिल महिन्यातील खाद्यतेल आयातही वाढली आहे. मार्च महिन्यातील खाद्यतेल आयात ११ लाख ७३ हजार टन होती. तर एप्रिल महिन्यात १३ लाख टन खाद्यतेल आयात झाली होती. एकूण खाद्यतेल आयात वाढली तरी पाम तेल आयात मात्र कमी झाली आहे. मार्च महिन्यात पाम तेल आयात ६ लाख ७३ हजार टन झाली होती. तर एप्रिल महिन्यातील आयात ५ लाख टन झाली. म्हणजेच एप्रिल महिन्यातील पामतेल आयात २४ टक्क्यांनी कमी झाली आहे. पामोलिनची आयात ८९ टक्क्यांनी कमी होऊन केवळ दीड हजार टनांवर स्थिरावली आहे..Edible Oil Import: अन्वयार्थ आयात घटीचा!.जैवइंधनासाठी पामतेलाचा वापरइंधन महागल्यानंतर इंडोनेशिया आणि मलेशियात पाम तेलाचा जैव इंधनासाठी वापर वाढला. त्यामुळे पाम तेलाचे भाव वाढले आहेत. परिणामी, पाम तेलाची आयात घटली आहे. तर सोयाबीन आणि सूर्यफूल तेलाच्या आयातीत वाढ झाली आहे. सोयाबीन तेलाची आयात २५ टक्क्यांनी वाढली आहे. तर सूर्यफुल तेलाच्या आयातीत दुपटीहून अधिक वाढ झाली आहे. मार्च महिन्यात सूर्यफूल तेलाची आयात जवळपास २ लाख टन होती. ती एप्रिलमध्ये ४.३४ लाख टनांवर पोहोचली. तर सोयाबीन तेलाची आयात २.८७ लाख टनांवरून ३.६० लाख टनांवर पोहोचली आहे..नेपाळकडून आयात वाढलीभारताने मागील सहा महिन्यांत इंडोनेशियाकडून १६ लाख टन, तर मलेशियाकडून १५ लाख टन पाम तेल आयात केले. तसेच अर्जेंटिनाकडून १३ लाख ३२ हजार टन आणि ब्राझीलकडून ४ लाख २५ हजार टन सोयाबीन तेल आयात केले. सूर्यफूल तेलाची रशियाकडून ८ लाख टन, तर युक्रेनकडून २ लाख ७४ हजार टनांची आयात केली. विशेष म्हणजे नेपाळमधून नोव्हेंबर ते फेब्रुवारी या काळात २ लाख १७ हजार टन रिफाइंड तेलाची आयात झाली..तेलाचा तिजोरीवरील भारखाद्यतेल आयात वाढ १३.६६ टक्केआयात खर्च वाढ १९ टक्केआयात खर्च ८७ हजार कोटी रु.एकूण आयात ७८.१५ लाख टन.पाम तेलाच्या किमती वाढल्या आहेत. एप्रिल २०२५ च्या तुलनेत एप्रिल २०२६ मध्ये पाम तेलाच्या किमतीत १५ टक्क्यांपर्यंत वाढ झाली आहे. तर सोयाबीन आणि सूर्यफूल तेलाच्या किमतीही २२ टक्क्यांपर्यंत वाढल्या आहेत. देशात सध्या मोहरीचे गाळप चांगले सुरू आहे. तरीही देशातील एकूण खाद्यतेलाचा साठा कमी आहे. त्यामुळे येणाऱ्या काळात खाद्यतेलाची आयात वाढू शकते.- बी.व्ही. मेहता, कार्यकारी संचालक, सॉल्व्हेंट एक्स्ट्रॅक्टर्स असोसिएशन ऑफ इंडिया (एसईए).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
