Water Storage News Updates: वाढते तापमान आणि आणि कमी पावसामुळे पाणीसाठ्यात घट झाली आहे. देशातील १६६ प्रमुख धरणांपैकी सुमारे ४० टक्के धरणांतील पाणीसाठा या आठवड्यात त्यांच्या क्षमतेच्या ५० टक्क्यांहून खाली आला. तसेच, सर्व धरणांमधील पाणीसाठ्यात घट होऊन तो ५१ टक्क्यांवर आला आहे. यावर्षाच्या सुरुवातीपासून देशातील सुमारे ७० टक्के भागांत सरासरीपेक्षा कमी अथवा अजिबात पाऊस पडलेला नाही, यामुळे ही परिस्थिती निर्माण झाली आहे. .केंद्रीय जल आयोगाने (CWC) दिलेल्या आकडेवारीनुसार, प्रमुख धरणांतील १८३.५६५ अब्ज घनमीटर (BCM) इतक्या क्षमतेच्या तुलनेत सध्या केवळ ५१ टक्के म्हणजेच ९४.०६३ अब्ज घनमीटर इतका पाणीसाठा शिल्लक आहे..भारतीय हवामान विभागाला (IMD) ७२६ जिल्ह्यांतून मिळालेल्या आकडेवारीनुसार, १ मार्चपासून देशातील ७८ टक्के भागांत कमी प्रमाणात अथवा अजिबातच पाऊस पडलेला नसल्याचे दिसून आले आहे. .Water Storage Decline: एका महिन्यात तब्बल १६ टक्क्यांनी घटला पाणीसाठा.एक धरण पूर्ण भरलेलेदेशातील १६६ धरणांपैकी ३९ धरणांतील पाणीसाठा ४० टक्क्यांहून कमी आहे. तर ३३ धरणांतील पाणीसाठा त्यांच्या क्षमतेच्या ५० टक्क्यांपेक्षा कमी झाला आहे. झारखंडमधील केवळ एकमेव 'जाखेत हिल' धरण पूर्ण भरलेले आहे. तर १८ धरणांतील पाणीसाठा ८० टक्क्यांहून अधिक आहे..पश्चिम, पूर्व आणि मध्य भारताच्या धरणांतील पाणीसाठा ५० टक्क्यांहून अधिक आहे. तर दक्षिण भारतातील धरणांमधील पाणीसाठा गेल्या वर्षाच्या तुलनेत कमी असल्याचे दिसून आले आहे. पण एकूणच, पाणीसाठा गेल्या वर्षाच्या तुलनेत १३.५ टक्क्यांनी अधिक आहे. तर गेल्या १० वर्षांतील पाणीसाठ्याची आकडेवारी पाहता सरासरी पातळीच्या तो २६ टक्क्यांनी अधिक आहे..Water Storage: खानदेशात जलसाठा ६२ टक्क्यांवर.दक्षिणेतील ४७ धरणांमध्ये, त्यांच्या ५५.२८८ अब्ज घनमीटर क्षमतेच्या तुलनेत २२.८३० अब्ज घनमीटर इतका म्हणजेच सुमारे ४१ टक्के इतका पाणीसाठा आहे. तेलंगणाच्या धरणांतील पाणीसाठा ३५ टक्क्यांच्या खाली घसरला आहे. तर कर्नाटकातील पाणीसाठा ४० टक्क्यांच्या खाली आला आहे. केरळ आणि तामिळनाडू राज्यातील धरणांतील पाणीसाठा गेल्या वर्षीच्या तुलनेत कमी आहे. येथील धरणांत साठा ४५ टक्क्यांच्या खाली घसरला आहे. तर आंध्र प्रदेशात एकूण क्षमतेच्या तुलनेत ४९ टक्के पाणीसाठा शिल्लक आहे..उत्तर भारतातील ११ धरणांत १९.८३६ अब्ज घनमीटर क्षमतेच्या तुलनेत ९.०४१ अब्ज घनमीटर पाणीसाठा आहे. हे प्रमाण ४५.५ टक्के एवढे आहे. हिमाचल प्रदेशातील पाणीसाठा ४० टक्क्यांपर्यंत खाली घसरला. तर पंजाब आणि राजस्थानमध्ये ५५ टक्क्यांहून अधिक साठा शिल्लक आहे..देशाच्या पूर्व भागात २७ धरणांत, त्यांच्या एकूण २१.७५९ अब्ज घनमीटर क्षमतेच्या तुलनेत १०.८८१ अब्ज घनमीटर एवढा म्हणजेच ५० टक्के साठा शिल्लक आहे. आसाममधील पाणीसाठा २० टक्क्यांच्या खाली आला आहे. तर पश्चिम बंगालमध्ये हे प्रमाण २५ टक्क्यांपर्यंत खाली आले आहे. ओडिशात साठा ५२ टक्के आहे..पश्चिम विभागाकडे नजर टाकल्यास येथील ५३ धरणांतील पाणीसाठा क्षमता ३८.०९४ अब्ज घनमीटर इतका असून, त्या तुलनेत २३.५२२ अब्ज घनमीटर म्हणजेच जवळपास ६२ टक्के साठा शिल्लक आहे. गोव्यातील एकमेव धरणात सुमारे ६५ टक्के साठा आहे. तर महाराष्ट्रात ६३ टक्के आणि गुजरातमध्ये ६० टक्के इतका पाणीसाठा शिल्लक आहे..मध्य भारतातील २८ धरणांत ४८.५८८ अब्ज घनमीटर क्षमतेच्या तुलनेत ५७ टक्के साठा उपलब्ध आहे. हे प्रमाण छत्तीसगडमध्ये ७१ टक्के, तर मध्य प्रदेशात ५९ टक्के आहे. उत्तर प्रदेश आणि उत्तराखंडमधील साठा प्रमाण अनुक्रमे ५१ टक्के आणि ४३ टक्के असल्याचे दिसून आले आहे. .भारतीय हवामान विभागाकडून (IMD) देशातील काही भागांत पावसाची शक्यता वर्तवण्यात आली आहे. यामुळे धरणांतील पाणी पातळीत घट होण्याचा वेग गेल्या काही दिवसांच्या तुलनेत कमी राहण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
