India Crude Oil Import Bill Rises: इंधनाच्या दरातील मोठी वाढ आणि पश्चिम आशियातील तीव्र संघर्षाच्या पार्श्वभूमीवर सप्टेंबरमध्ये भारताच्या आयात कच्च्या तेलाच्या खर्चात ४७ टक्क्यांनी वाढ झाली. यामुळे कच्च्या तेलाच्या आयातीवरील खर्च १५.४ अब्ज डॉलर्सवर पोहोचला, अशी माहिती पेट्रोलियम नियोजन आणि विश्लेषण कक्षाकडून (PPAC) मिळालेल्या आकडेवारीतून समोर आली आहे..सप्टेंबर महिन्यात कच्च्या तेलाची आयात केवळ ७ टक्क्यांनी वाढून २ कोटी १७ लाख टनांवर पोहोचली. गेल्या वर्षी याच कालावधीत हे प्रमाण २ कोटी ३ लाख टन इतके होते. सप्टेंबरमध्ये भारतात आयात होणाऱ्या कच्च्या तेलाचा सरासरी दर प्रति बॅरल ११६.०९ डॉलर्सवर पोहोचला होता. गेल्या वर्षी याच कालावधीत हा दर प्रति बॅरल ६९.६१ डॉलर्स इतका होता. यामुळे आयातीवरील खर्च वाढला असल्याचे दिसून आले..Crude Oil Prices: युद्धामुळे महागाईचे सावट, कच्च्या तेलाचे दर चार वर्षांतील उच्चांकावर.कच्चे तेल हे भारतात आयात होणाऱ्या प्रमुख वस्तूपैकी एक आहे. देशात एकूण वस्तू आयात खर्चात त्याचा हिस्सा सुमारे २० टक्के आहे. सध्याच्या संकटाच्या परिस्थितीत देशांतर्गत पुरवठा सुरळीत ठेवण्यासाठी केंद्र सरकार अधिक पैसे मोजून इंधन खरेदी करत असल्याचे दिसते..Ethanol Blended Petrol: इथेनॉलमुळे वाहनांचे नुकसान झाल्याचा अधिकृत पुरावा नाही; साखर उद्योगासाठी धोरण महत्त्वाचे : मुख्यमंत्री फडणवीस.होर्मुझच्या सामुद्रधुनीतून होणाऱ्या वाहतुकीत अडथळे निर्माण झाले. तसेच लाल समुद्र व एडनच्या आखाताला जोडणाऱ्या बाब-अल-मंदेब आणखी एका अरुंद सागरी मार्गावरील धोक्यांच्या पार्श्वभूमीवर पुरवठा साखळी विस्कळीत झाली. परिणामी गेल्या काही महिन्यांत इंधनाच्या दरात मोठी वाढ झाली. यामुळे पश्चिम आशियातून कच्च्या तेलाचा पुरवठा मर्यादित स्वरुपात झाला..रशिया, इराक, सौदी अरेबिया, संयुक्त अरब अमिराती आणि कुवेत हे पाच प्रमुख देश भारताला कच्च्या तेलाचा पुरवठा करतात. एकूण कच्च्या तेलाच्या आयातीपैकी या देशांतून सुमारे ७० टक्के तेलाचा पुरवठा होतो..कच्च्या तेलाच्या आयातीवर १५.४ अब्ज डॉलर्स एवढा खर्च झाला आहे. त्यात एलएनजी आयातीचा खर्च १.२ अब्ज डॉलर्स इतका आहे. तर सप्टेंबर महिन्यात पेट्रोलियम उत्पादनांच्या निर्यातीतून देशाला ४.८ अब्ज डॉलर्स मिळाले..२०२६-२७ या आर्थिक वर्षातील एप्रिल-सप्टेंबर दरम्यानच्या पहिल्या सहा महिन्यांत देशातील कच्च्या तेलाच्या आयातीवर खर्च ४६.४ टक्क्यांनी वाढला आणि तो ९०.६ अब्ज डॉलर्सवर पोहोचला. याच कालावधीत, तेल आणि गॅसच्या निव्वळ आयातीवरील खर्च ३५ टक्क्यांनी वाढून ८१.१ अब्ज डॉलर्सवर गेल्याचे आकडेवारीवरुन दिसून आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
