Maize Ethanol: कमजोर मॉन्सूनमुळे देशातील मका उत्पादन यंदा घटणार आहे. मात्र त्याचवेळी पशुखाद्य आणि इथेनॉलची मागणी झपाट्याने वाढत आहे. त्यामुळे २०२६-२७ च्या हंगामात मक्याचा वापर उत्पादनापेक्षा जास्त राहील. परिणामी हंगामाअखेरचा शिल्लक साठा निम्म्याहून खाली येईल, असा अंदाज अमेरिकेच्या कृषी विभागाच्या परराष्ट्र कृषी सेवेने वर्तवला आहे..केंद्रीय कृषी मंत्रालयाच्या २८ ऑगस्टच्या आकडेवारीनुसार खरीप मका पेरणी गेल्या वर्षीच्या तुलनेत ४.१ टक्के घटली आहे. यूएसडीएच्या अहवालानुसार उत्पादन यंदा हंगामात गेल्या वर्षीच्या तुलनेत १० टक्के घटून ५०० लाख टनावर स्थिरावण्याचा अंदाज आहे. तर एकूण वापर ४८० लाख टनांवरून ५१० लाख टनांवर जाईल. यातील फीड सेक्टरचा (पशू व पक्षी खाद्यासाठीचा) वापर २८० वरून ३०० लाख टन, तर मानवी खाद्य व औद्योगिक वापर २०० वरून २२० लाख टन होईल. त्यात इथेनॉलचा वाटा मोठा आहे. म्हणजे एकूण वापर उत्पादनापेक्षा दहा लाख टनांनी जास्त राहील..Maize Farming: इथेनॉलच्या पलीकडे : विशेष प्रकारचा मका भारतीय शेतकऱ्यांसाठी कशा प्रकारे नव्या विकासाच्या संधी उपलब्ध करून देत आहे.साठा महिनाभराच्या वापरापुरताचयूएसडीएच्या हिशेबात भारताचा मका हंगाम ऑक्टोबर ते नोव्हेंबर असा धरला जातो. त्यानुसार नोव्हेंबर २०२६ मध्ये हंगाम सुरू होताना शिल्लक साठा ७५.१७ लाख टन असेल. तो ऑक्टोबर २०२७ अखेर ४१.१७ लाख टनांवर येईल..India Maize Market: मक्याला आधार मिळण्याची शक्यता.ही घट ४५ टक्के आहे. हा साठा देशाच्या केवळ एका महिन्याच्या वापरापुरता उरतो. साठा आटत असतानाही आयात एक लाख टन एवढी नगण्य राहील. दुसरीकडे निर्यात २५ लाख टनांवरून १५ लाख टनांवर येईल. आयातीवरील निर्बंध कायम असल्याने देशांतर्गत टंचाई भरून काढण्याचा मार्ग मर्यादित आहे..मजबूत होत आहेत भावऑगस्ट २०२६ च्या पहिल्या पंधरवड्यात प्रमुख उत्पादक राज्यांत मक्याचे भाव १९,७५० ते २४,९०० रुपये प्रति टन राहिले. राष्ट्रीय सरासरी २१,८०० रुपये प्रति टन होती. ही पातळी ऑगस्ट २०२५ पेक्षा दोन टक्के खाली असली, तरी एप्रिलपासून भाव सातत्याने वाढत आहेत. साठा घटण्याचा अंदाज खरा ठरल्यास पुढील हंगामात मका उत्पादकांना चांगला भाव मिळू शकतो. मात्र पोल्ट्री आणि पशुखाद्य उद्योगावरील खर्चाचा ताण वाढेल, असे अहवालात म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
