Jalna News: आधुनिक तंत्रज्ञानाचा अवलंब करून तुरीचे उत्पादन वाढवावे, असा सल्ला तूर पीक पैदासकार कृषी संशोधन केंद्र, बदनापूरचे प्रभारी अधिकारी डॉ. डी. के.पाटील यांनी दिला. .खरपुडी येथील कृषी विज्ञान केंद्राच्यावतीने चितळी पुतळी (ता. जालना) येथे प्रदीप शिवहर शिवसेटे यांच्या शेतावर आयोजित केलेल्या तूर शेती दिन व पीक पाहणी कार्यक्रमात प्रमुख मार्गदर्शक म्हणून ते बोलत होते. अध्यक्षस्थानी चितळीपुतळीच्या सरपंच स्वप्ना राजेंद्र वांजुळे ह्या होत्या, तर कृषी विज्ञान केंद्राचे वरिष्ठ शास्त्रज्ञ व प्रमुख यांची व्यासपीठावर प्रमुख उपस्थिती होती..Tur Production: कमी खर्चाचे, सोपे तंत्र वाढविते तुरीचे उत्पादन.डॉ. पाटील म्हणाले, की तूर हे बहुवार्षिक पीक असून त्यावर दिवसाच्या आणि रात्रीच्या तापमानाचा व लांबीचा परिणाम होतो. त्यामुळे तूर कोणत्याही महिन्यात पेरली तरी तिला फुले ऑक्टोबर महिन्यातच येतात.तुरीच्या पिकात १८-२० टक्केच फुलांचे रूपांतर शेंगांमध्ये होते. त्यामुळे फुलगळ ही नैसर्गिक आहे. सकाळी साडेसातच्या आसपास तुरीची पाने वरच्या दिशेने गेली असल्यास पिकाला पाण्याची गरज आहे, असे समजावे..Tur Production: तूरीची शेंडा छाटणी नेमकी केंव्हा करावी?.तूर पिकाचे शेंगमाशी व शेंगा पोखरणाऱ्या आळीपासून संरक्षण करण्यासाठी एकात्मिक कीड व्यवस्थापन पद्धतीचा अवलंब करावा. तुरीनंतर कांद्याचे पीक चांगले येते. प्रास्ताविकामध्ये कृषी विज्ञान केंद्राचे प्रमुख डॉ. श्रीकृष्ण सोनुने यांनी कृषी विज्ञान केंद्रा मार्फत चालवण्यात येणाऱ्या सीड हब प्रकल्पात गोदावरी या वाणाचे गेल्या तीन वर्षात ३४ टन बियाण्याचा विविध माध्यमातून शेतकऱ्यांना पुरवठा करण्यात आला. कृषी विज्ञान केंद्र हे नेहमीच नवीन तंत्रज्ञान शेतकऱ्यांपर्यंत पोहोचविण्यासाठी कटिबद्ध असते, असे सांगितले..शेतकरी प्रदीप शिवहर शिवशेटे यांनी गोदावरी तुरीच्या पीक प्रात्यक्षिकाविषयी आपले अनुभव कथन केले. कृषी विज्ञान केंद्रातील पीक संरक्षण तज्ज्ञ अजय मिटकरी यांनी तूर पिकांमधील एकात्मिक कीड व्यवस्थापन यावर थोडक्यात मार्गदर्शन केले. तर कृषी संशोधन केंद्राचे शास्त्रज्ञ डॉ. व्ही. के. गिते यांनी कृषी संशोधन केंद्र बदनापूर यांच्यामार्फत प्रसारित केलेल्या तुरीच्या वाणांविषयी माहिती दिली. शास्त्रज्ञांनी प्रदीप शिवशेटे यांच्या गोदावरी तुरीच्या पीक प्रात्यक्षिकास भेट देऊन चर्चा केली. आभार डॉ. संगीता कऱ्हाळे यांनी मानले. कार्यक्रमाचे सूत्रसंचालन मृदशास्त्रज्ञ राहुल चौधरी यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
