Satara News: उसाचे उत्पादन वाढविण्याकरिता मातीचे अनन्य साधारण महत्त्व लक्षात घेऊन माती व पाणी परीक्षणकरिता बँकेमार्फत अनुदान दिले जात आहे. त्याचप्रमाणे शेतकऱ्यांनी ‘एआय’ तंत्रज्ञान वापरून उसाचे उत्पादन वाढवावे. याकरिताही अनुदान दिले जात आहे, अशी माहिती जिल्हा बँकेचे मुख्य कार्यकारी अधिकारी डॉ. राजेंद्र सरकाळे यांनी दिली..अजिंक्यतारा सहकारी साखर कारखाना, महात्मा फुले कृषी विद्यापीठ, कृषी महाविद्यालय पुणे व सातारा जिल्हा मध्यवर्ती सहकारी बँक यांच्या संयुक्त विद्यमाने अजिंक्यतारा कारखाना कार्यस्थळावर पर्यावरण पूरक ऊस व्यवस्थापन प्रकल्प व शेतकरी प्रशिक्षण कार्यशाळा उत्साहात झाली. या वेळी डॉ. सरकाळे बोलत होते..Ai in Agriculture: ‘एआय’ आधारित तीन उपकरणांच्या आरेखनाला पेटंट.या वेळी मृद् विज्ञान व कृषी रसायनशास्त्र विभाग प्रमुख तथा माजी प्रक्षेत्र संचालक डॉ. सुभाष ढाणे, जिल्हा बँकेचे मुख्य कार्यकारी अधिकारी डॉ. सरकाळे, पुणे मृद् विज्ञान विभाग, कृषी महाविद्यालयाचे प्रकल्प समन्वयक तथा सहयोगी प्राध्यापक डॉ. धर्मेद्रकुमार फाळके यांनी शेतकऱ्यांना मार्गदर्शन केले..डॉ. ढाणे यांनी कृषी विद्यापीठामार्फत माती, पीक संवर्धन, रोग, सुधारित जाती याविषयी होत असलेल्या संशोधनाची माहिती दिली. शेतकऱ्यांनी कृषी विद्यापीठांनी सुचविलेल्या शिफारशीचा अवलंब करून आपले उत्पादन वाढविण्याकरिता प्रयत्न करावेत, असे सांगितले..AI Agriculture: शेतीत ‘एआय’ तंत्रज्ञानाची गरज: सहकारमंत्री पाटील.डॉ. फाळके म्हणाले, की कृषी महाविद्यालय, जिल्हा मध्यवर्ती बँक आणि अजिंक्यतारा कारखाना यांच्या संयुक्त विद्यमाने पर्यावरण पूरक ऊस संवर्धन प्रकल्प हाती घेतला असून यामध्ये ज्या शेतकऱ्यांनी सहभाग घेतला आहे त्यांच्या उत्पन्नामध्ये सरासरी १८ टक्के वाढ झाली असल्याचे सांगितले. अजिंक्यतारा कारखाना कार्यक्षेत्रात आडसाली उसाचे प्रमाण जास्त असून ते निश्चितपणे कमी करणे गरजेचे असल्याचे त्यांनी सांगितले. कारखान्याचे अध्यक्ष यशवंतराव साळुंखे यांनी तीन संस्थांच्या मार्फत घेतलेल्या.संयुक्त पीक संवर्धन प्रकल्पाचा फायदा शेतकऱ्यांना झालेला आहे, त्यामुळे जास्तीत जास्त शेतकऱ्यांनी यामध्ये सहभागी व्हावे असे आवाहन केले.कारखान्याचे कार्यकारी संचालक जिवाजी मोहिते म्हणाले, की सार्वजनिक बांधकाम मंत्री शिवेंद्रसिंहराजे भोसले यांच्या मार्गदर्शनाखाली व संचालक मंडळाच्या सहकार्यामुळे कारखान्याची प्रगती होत आहे..संचालक विश्वास शेडगे यांनी स्वागत, उपाध्यक्ष नामदेव सावंत यांनी आभार मानले. सूत्रसंचालन कारखान्याचे लेबर ऑफिसर रणजित चव्हाण यांनी केले. संचालकांसह शेती अधिकारी विलास पाटील, सेक्रेटरी बशीर संदे तसेच शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
