Jalgaon News: राज्यात प्रसिद्ध असलेल्या जळगावच्या भरताच्या वांग्याची आवक विविध बाजारांत वाढत आहे. बाजारात शेतकऱ्यांना प्रतिकिलो १० ते १५ रुपये व सरासरी २० रुपये, असा दर मिळत आहे. दरात काहीशी घसरण मागील काही दिवसात झाली आहे. .थंडी कमी होताच भरीत वांगी मागणी कमी होते. यात आवक वाढली आहे. विविध कार्यक्रमांच्या मेजवानीत भरताचा मेनू कमी होऊ लागला आहे. पुढे उष्णता वाढल्यानंतर भरीत वांगी मागणी व आवकही कमी होईल, अशी स्थिती आहे..Brinjal Market: वर्षभर विविध वाणांच्या वांग्याला मागणी.दीपोत्सवात सुरू झाली आवकभरताच्या वांग्यांची आवक दीपोत्सवाच्या काळात जळगावात अधिक असते. सप्टेंबरच्या सुरवातीला भुसावळ, जळगाव भागात आवक सुरू झाली. ऑक्टोबरच्या अखेरीस यावल, रावेर या भागांत भरताच्या वांग्यांची आवक, काढणी सुरू झाली. यंदा भरीत वांगी पिकाला प्रतिकूल वातावरण होते. यामुळे उत्पादनही ऐन हंगामात किंवा डिसेंबरमध्ये कमी आले..Brinjal Market : मागणीच्या अभावी वांगी दर दबावात.आता उत्पादन वाढले. पण मागणी कमी झाली. जळगाव, भुसावळ येथील बाजारांत भरीत वांग्यांची सर्वाधिक आवक होत आहे. जळगावात रोज ५० ते ६० क्विंटल भरीताच्या वांग्यांची आवक होत आहे. किरकोळ बाजारातील दर २५ ते ३० रुपये प्रतिकिलो, असे आहेत. मध्यंतरी किरकोळ बाजारातील दर ७०, ८० ते १०० रुपये प्रतिकिलो, असे होते..यावलमधील आवक वाढलीयावलमधील बामणोद, भालोद, न्हावी, पाडळसे, सांगवी बुद्रूक, रावेरातील मस्कावद, रोझोदा, खिरोदा, चिनावल भागातील दर्जेदार वांग्यांची आवक सुरू आहे. तसेच भुसावळातील पिंपळगाव, तळवेल, वरणगाव, शिंदी, पिंप्रीसेकम या भागातही भरीत वांग्यांचे उत्पादन सुरू आहे. जळगावमधील आसोादा, तरसोद, नशिराबाद, बेळी , जळगाव खुर्द, तुरखेडा, विदगाव या भागातही भरीत वांग्यांचे उत्पादन घेतले जाते. यात उष्णता वाढल्याने भरीत वांगी सेवन टाळले जाते. कारण भरीत थंडीत शरीरास उष्णता, ऊब देते, असे मानतात. यात मागील काही दिवसात थंडी कमी झाली आहे. ढगाळ वातावरण, पावसाळी स्थिती होती. पुढेही पावसाचे संकेत देण्यात आले आहेत. यामुळे भरीत वांग्यांची मागणी घटल्याची माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
