Chhatrapati Sambhajinagar News: विविध देशांच्या शेती अभ्यास दौऱ्यांसाठी शासनाने आता १ लाखाऐवजी किमान २ लाख रुपये अनुदान देण्याचा निर्णय घेतला आहे. वाढलेला खर्च पाहता अनुदान वाढवा, अशी शेतकऱ्यांनी मागणी केली होती. .विविध देशांच्या शेती अभ्यास दौऱ्यांसाठी दहा वर्षांपासून अनुदान ‘जैसे थे’ होते. मात्र दौऱ्यात लागणारा खर्च वाढला होता. त्यामुळे शेतकऱ्यांना याची झळ बसत होती. दुसरीकडे शासनाकडून शेतकऱ्यांना दौऱ्यासाठी दिले जाणारे अनुदान मात्र तेवढेच होते. त्यामुळे वाढता खर्च न परवडून अभ्यास दौरा करू इच्छिणारे सर्वसामान्य शेतकरी दौऱ्यात जाऊ शकतील का हा प्रश्न होता..Agriculture Subsidy : कृषी यांत्रिकीकरण अनुदानाला मान्यता; २०० कोटी रुपयांच्या वाटपाचा मार्ग मोकळा.त्याच वेळी मागील वर्षी शेतकऱ्यांची निवड होऊनसुद्धा काही कारणास्तव दौरा रद्द करण्यात आला होता. त्या वेळी कंपनीचे मापदंड खूप कमी होते. यंदाच्या दौऱ्याचे कोटेशन खूप वाढविलेले दिसते. ते सर्वसाधारण शेतकऱ्याला परवडणारे नाही, अशी भावना व्यक्त केली होती. यंदा योजनेच्या एकूण खर्चात तिप्पट वाढ झाल्याचे खर्चाचे पुढे आलेले आकडे सांगत असताना शेतकरी बांधवांना मिळणाऱ्या अनुदानात कसलीही वाढ करण्याची गरज शासनाला वाटू नये याविषयी आश्चर्यही व्यक्त केले जात होते..Farmer Study Tour : शेतकरी परदेश अभ्यास दौऱ्याचे अनुदान वाढवा.कृषी विभागाच्या माध्यमातून राज्य पुरस्कृत योजनेतून शेतकऱ्यांचा देशाबाहेर अभ्यासदौरा २०२५-२६ याचे आयोजन केले. यंदा दौरा नियोजनानुसार युरोप, इस्राईल, जपान, मलेशिया, व्हिएतनाम, फिलिपिन्स, चीन, दक्षिण कोरिया आदी देशांमध्ये शेतकरी प्राधान्यक्रमक निवडून या अभ्यास दौऱ्यांतर्गत जाऊ शकतात. परंतु योजनेत शेतकऱ्यांना मिळणारे अनुदान हे तेवढेच म्हणजे १० ते १२ वर्षांपूर्वी जे एकूण खर्चाच्या ५० टक्के किंवा १ लाख रुपये यापैकी जे कमी ते मिळत होते तेच होते..‘राज्यातील शेतकऱ्यांचे देशाबाहेर अभ्यास दौरे’ या योजनेअंतर्गत प्रति शेतकरी कमाल अनुदान मर्यादा १ लाखावरून २ लाख करण्याबाबतची बाब शासनाच्या विचाराधीन होती. त्यानुसार कृषी, पशुसंवर्धन, दुग्ध व्यवसाय विकास व मत्स्य व्यवसाय विभागाच्या मंगळवारच्या (ता. १४) शासन निर्णयानुसार अनुदान २ लाख रुपये करण्यात आले आहे. राज्यपालांच्या आदेशाने कार्यासन अधिकारी विशाल टेके यांच्या स्वाक्षरीने हा आदेश निर्गमित करण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
