Jalgaon News: जळगाव जिल्ह्यात यंदा रब्बी हंगाम जोमात आहे. रब्बीच्या क्षेत्रात यंदा मागील हंगामाच्या तुलनेत तीन ते चार टक्के वाढ झाली आहे. सर्वाधिक पेरणी हरभरा पिकाची झाली आहे. यापाठोपाठ मका, ज्वारी, गहू आदी पिके आहेत. .मागील हंगामात पाऊस होता. यामुळे रब्बीची पेरणी १०० टक्के झाली होती. यंदाही जिल्ह्यातील पाऊस १३२ टक्के एवढा आहे. यातच जिल्ह्यात गिरणा, वाघूर, हतनूर व अन्य प्रकल्पांमधून रब्बी पिकांच्या सिंचनासाठी पाणी मिळत आहे. प्रमुख प्रकल्पांतून एक आवर्तन रब्बीसाठी देण्यात आले आहे. मागील हंगामात रब्बीची सुमारे दोन लाख ६५ हजार हेक्टरवर पेरणी झाली होती. यंदा ही पेरणी दोन लाख ७२ हजार हेक्टरपर्यंत आहे. मका व ज्वारीची पेरणीही वाढली आहे. यामुळे काही प्रमुख मका वाणांचा तुटवडा यंदा होता..Rabi Sowing: मराठवाड्यातील तीन जिल्ह्यांत सात लाख हेक्टरवर पेरणी.जळगाव जिल्ह्यात हरभऱ्याची पेरणी सुमारे एक लाख हेक्टरवर झाली आहे. ही पेरणी १०० टक्के आहे. मक्याची लागवडही सुमारे ६५ हजार हेक्टरवर आहे. गव्हाची पेरणी सुमारे ६० हजार हेक्टरवर झाली आहे. गहू पेरणी अपेक्षेपेक्षा अधिक आहे. ज्वारीची एकूण पेरणीही सुमारे ४० ते ४२ हजार हेक्टरवर असल्याची माहिती मिळाली..Rabi Sowing: शिराळा तालुक्यात रब्बीच्या ९० टक्के पेरण्या.भाजीपाला पिकांत कांदा लागवड सुरू आहे. मिरची पीकही वाढले आहे. तसेच कलिंगड, खरबूज या पिकांखालील क्षेत्रही बऱ्यापैकी आहे. कलिंगड लागवड जिल्ह्यात यंदा सुमारे तीन ते साडेतीन हजार हेक्टरवर होईल, अशी स्थिती आहे..तेलबियांची पेरणी सुरूचसूर्यफूल पेरणी सुरूच आहे. त्यात सूर्यफुलाची सुमारे तीन ते साडेतीन हजार हेक्टरवर पेरणी होईल. तीळाची पेरणी ३०० ते ३५० हेक्टरवर असणार आहे. भुईमुगाची लागवड या महिन्यात पूर्ण होईल. ती अनेक शेतकरी गादीवाफा पद्धतीने ठिबकवर करतात. यामुळे भुईमूग पिकात उत्पादनवाढ शक्य झाली आहे. भुईमुगाची लागवडही जिल्ह्यात ८००, ९०० ते हजार हेक्टरवर अपेक्षित आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
