Nanded News: श्री क्षेत्र माळेगाव येथील श्री खंडोबा यात्रेचे वैभव अधिक वाढविण्यासाठी यावर्षी कुस्ती, कृषी व पशू स्पर्धांच्या बक्षीस रकमेत भरीव वाढ करण्यात आली आहे, अशी माहिती आमदार प्रताप पाटील चिखलीकर यांनी दिली..माळेगाव येथे श्री. चिखलीकर यांच्या अध्यक्षतेखाली यात्रेच्या पूर्वतयारीसंदर्भात आढावा बैठक पार पडली. यावेळी ते बोलत होते. बैठकीस जिल्हा परिषदेच्या मुख्य कार्यकारी अधिकारी मेघना कावली, अतिरिक्त पोलिस अधीक्षक सूरज गुरव यांच्यासह यात्रा सचिव डी.बी. गिरी आदी उपस्थित होते. यंदा कुस्ती, कृषी आणि पशुसंवर्धन विभागाच्या स्पर्धांसाठी जवळपास ५० लाख रुपयांची वाढीव तरतूद करण्यात आली आहे..Sarangkheda Yatra: सारंगखेड्यातील यात्रेला शेकडो भाविकांची हजेरी.तसेच कृषी विभागाच्या फळपिके व मसाला पीक स्पर्धेत गटात प्रथम बक्षीस ७ हजार, द्वितीय ६ हजार, तृतीय ५ हजार रुपये तसेच उत्तेजनार्थ बक्षीस देण्यात येणार आहे. पशुसंवर्धन विभागात लालकंधारी ब्रीड चॅम्पियन नर व मादी गटासाठी प्रत्येकी १ लाख २१ हजार रुपये, देवणी नर व मादी गटासाठी प्रत्येकी ७१ हजार रुपये तसेच लालकंधारी स्पर्धेत नर व मादी गटासाठी प्रत्येकी ५१ हजार रुपये बक्षीस ठेवण्यात आले आहेत..यंदा कुस्ती स्पर्धेच्या बक्षिसात प्रत्येकी १० हजार रुपयांची वाढ करण्यात आली आहे. प्रथम क्रमांकासाठी ६१ हजार, द्वितीय ५१ हजार, तर तृतीय ४१ हजार रुपये बक्षीस दिले जाणार आहे. लोकनाट्य मंडळांना प्रत्येकी ७१ हजार रुपये प्रोत्साहनपर रक्कम दिली जाणार आहे. शंकरपट स्पर्धेत प्रथम ६१ हजार, द्वितीय ५१ हजार, तृतीय ४१ हजार रुपये पारितोषिक जाहीर केले आहे..Yatra Management: कार्तिकी यात्रेदरम्यान मंदिर परिसरात वाहनांना बंदी.यात्रेचे सुधारित वेळापत्रकश्रीक्षेत्र माळेगाव यात्रेची सुरुवात १८ डिसेंबर रोजी दुपारी देवसवारी व पालखी पूजनाने होणार असून, त्याच दिवशी कृषी प्रदर्शनाचे उद्घाटन करण्यात येणार आहे. १९ डिसेंबर रोजी पशू, अश्व, श्वान व कुक्कुट प्रदर्शन तसेच विविध स्पर्धांचे उद्घाटन होईल. याच दिवशी महिला व बालकांसाठी विविध स्पर्धांचे आयोजन करण्यात आले आहे..२० डिसेंबर रोजी कृषिनिष्ठ शेतकऱ्यांचा सत्कार करण्यात येणार आहे. त्यानंतर २२ डिसेंबर रोजी महिला आरोग्य शिबिर व सायंकाळी लावणी महोत्सव रंगणार आहे. २३ डिसेंबर रोजी पशुप्रदर्शन व दुग्ध स्पर्धांचे बक्षीस वितरण तसेच कुस्त्यांचे फड आयोजित करण्यात आले आहेत. यात्रेच्या शेवटच्या टप्प्यात २४ डिसेंबर रोजी पारंपरिक लोककला महोत्सव, तर २५ रोजी शंकरपट (बैलगाडा शर्यत) होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
