Jalgaon News: खानदेशात पाऊसमान चांगले राहिल्यामुळे भाजीपाला पिकांची लागवड बऱ्यापैकी झाली आहे. भेंडी, टोमॅटो, कारली, गिलके आदी पिकांची लागवड काहीशी वाढली आहे. .कांदा, कलिंगड, केळीची लागवडही स्थिर आहे. कांदा लागवड खानदेशात सुमारे ३८ हजार हेक्टरवर झाली आहे. कलिंगडाची लागवड नोव्हेंबर २०२५ ते जानेवारी २०२६ या कालावधीत सुमारे सात हजार हेक्टरवर खानदेशात झाली आहे. खरबूज लागवडदेखील खानदेशात सुमारे २२०० हेक्टरवर झाली आहे. खरबूज लागवड अपेक्षेपेक्षा अधिक झाली. अजूनही केळी, भाजीपाला पिकांना शेतकरी पसंती देत आहेत. अन्य पिकांत फारसा पैसा नाही. तसेच जोखीम वाढली आहे..Vegetable cultivation: भाजीपाला लागवडीतून डहाणूत रोजगाराची संधी.यामुळे अनेक शेतकऱ्यांनी केळीपाठोपाठ भाजीपाला पिके, उसाची लागवड केली आहे. खरिपात नुकसान झाले. यामुळे रब्बी पिकांतून अधिकाधिक नफा कसा मिळेल, यासाठी शेतकरी प्रयत्नशील असून, तीन ते चार महिने कालावधीच्या भाजीपाला पिकांची लागवड केली जात आहे..यात ऊस लागवड खानदेशात किंचित वाढली आहे. नंदुरबारात १६ हजार हेक्टर, जळगावात सुमारे १४ हजार हेक्टरवर आणि धुळ्यास सुमारे सात हजार हेक्टरवर ऊस पीक आहे. पुढे उसाला योग्य हमीभाव जाहीर करावा, अशी अपेक्षा शेतकऱ्यांमधून व्यक्त करण्यात येत आहे. चांगले उत्पन्न देणारे पीक म्हणून उसाची लागवड झाली आहे. केळीचे दर अस्थिर आहेत. पण केळीपट्ट्यात केळी लागवड झाली आहे. .Vegetable cultivation: भाजीपाला लागवडीतून डहाणूत रोजगाराची संधी.केळीची खानदेशातील कांदेबाग व मृग बहर हंगामातील एकूण लागवड ९० ते ९२ हजार हेक्टरवर होईल. जळगाव जिल्ह्यातील ही एकूण लागवड ७५ हजार हेक्टर एवढी अपेक्षित आहे. ही लागवड सप्टेंबर २०२५ ते जून २०२६ या कालावधीत असणार आहे. कापूस पिकासंबंधी महागाई वाढलेली असून, याचा फटका शेतकऱ्यांना सुद्धा सहन करावा लागत आहे. रासायनिक खतांचे दर वाढले आहेत. यामुळे शेतकरी अन्य पिकांकडे वळले आहेत..जोखीम अधिकलहरी हवामान, अवकाळी पाऊस, ढगाळ वातावरण आदी नैसर्गिक घटक शेतकरी बांधवांच्या अडचणीत वाढ करीत असतात. ही संकटे असतानाही शेतकरी यंदा फळ व भाजीपाला पिकांना पसंती देत आहेत. अशात कलिंगड पिकाची रब्बीत काहीशी हानीदेखील झाली आहे. पण शेतकरी जोखीम घेऊन, काटेकोर नियोजन करून फळ पिके घेत असल्याचे दिसत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
