Akola News: कापूस खरेदीसाठी सीसीआयने (कॉटन कॉर्पोरेशन ऑफ इंडिया) ठरवलेली ५ क्विंटल ६० किलो प्रतिएकर मर्यादा रद्द करून, ती १५ क्विंटलपर्यंत वाढवावी, या मागणीसाठी शिवसेना (ठाकरे गट) आणि शेतकऱ्यांनी बुधवारी (ता. ३) सीसीआय कार्यालयात ठिय्या देत तीव्र आंदोलन केले. अधिकाऱ्यांना यावेळी जाब विचारण्यात आला. परिस्थिती नियंत्रणात ठेवण्यासाठी परिसरात मोठा पोलिस बंदोबस्त तैनात करण्यात आला होता. .या हंगामात अतिवृष्टी-अवर्षणामुळे कापूस उत्पादनावर मोठा परिणाम झाला आहे. तरीही शेतकऱ्यांना खरेदी प्रक्रियेत मर्यादांमुळे अडचणी भेडसावत असल्याने शिवसेनेने थेट कार्यालयावर धडक देत अधिकाऱ्यांशी चर्चा केली. .Cotton Procurement: ‘सीसीआय’ वाढविणार कापूस खरेदीची मर्यादा.जिल्हाप्रमुख गोपाल दातकर, राहुल कराळे, शिवा मोहोळ, डॉ. प्रशांत अढाऊ यांसह अनेक पदाधिकाऱ्यांनी अधिकाऱ्यांना निवेदन देत शेतकऱ्यांच्या मागण्या मांडल्या.खरेदीनंतर १० ते१२ दिवस पैसे मिळत असल्याने शेतकरी त्रस्त असून, नियमाप्रमाणे २४ तासांत चुकारे देण्याची मागणीही करण्यात आली..Cotton Procurement: ‘सीसीआय’तर्फे मालेगाव तालुक्यात कापूस खरेदी केंद्र सुरू.शिवसेनेने खरेदी मर्यादा १५ क्विंटल, दोन वाहनांची अट रद्द, ग्रेडरची वागणूक सुधारावी, ओलावा तपासणी बंद करून सरसकट भाव द्यावा, तसेच तलाठी पेरा दाखल्यावर खरेदी मान्य करावी, अशा पाच प्रमुख मागण्या मांडल्या. .अधिकाऱ्यांनी काही मुद्द्यांवर वरिष्ठस्तरावर बैठक घेण्याचे आश्वासन दिले. उत्पादनाच्या तुलनेत ५.६० क्विंटल मर्यादा अव्यवहार्य असून ती शेतकऱ्यांवर अन्यायकारक आहे, असा आरोप करीत मागण्या मान्य न झाल्यास तीव्र आंदोलन छेडण्याचा इशारा शिवसेनेनेदिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
