Akola News: महिला सक्षमीकरणासाठी राबविण्यात येणारे आदिशक्ती अभियान गावोगाव प्रभावीपणे राबविण्याचे निर्देश जिल्हाधिकारी वर्षा मीना यांनी दिले. जिल्हास्तरीय आदिशक्ती अभियान समितीची बैठक मीना यांच्या अध्यक्षतेखाली झाली. यावेळी त्या बोलत होत्या..त्या पुढे म्हणाल्या, की आदिशक्ती अभियानाच्या माध्यमातून महिलांच्या आर्थिक, सामाजिक, शैक्षणिक व आरोग्यविषयक सक्षमीकरणासाठी व्यापक चळवळ उभारण्यात येत आहे. या अभियानात सहभागी ग्रामपंचायतींना तालुका, जिल्हा व राज्यस्तरावर लाखो रुपयांची बक्षिसे जिंकण्याची संधी मिळणार आहे..Women Empowerment: मकरसंक्रांतीला महिला बचत गटांच्या कर्तृत्वाची गोड चव.या विशेष अभियानांतर्गत जिल्ह्यात ग्रामस्तरीय समित्यांची स्थापना करण्यात आली असून सात तालुकास्तरीय समित्यांचे गठन पूर्ण झाले आहे. ग्रामसेवकांनी प्रत्येक ग्रामपंचायतीची नोंद wcdadhishakti.in या पोर्टलवर करण्याच्या सूचना जिल्हाधिकाऱ्यांनी दिल्या. शासनाच्या विविध योजनांचा लाभ समाजातील शेवटच्या घटकातील महिलांपर्यंत पोहोचविणे, महिलांच्या समस्यांबाबत समाजात संवेदनशीलता निर्माण करणे व जनजागृतीद्वारे कायमस्वरूपी उपाययोजना राबविणे हा या अभियानाचा मुख्य उद्देश आहे..Women Empowerment: ई-मार्केटद्वारे ग्रामीण उत्पादनांना बाजारपेठ.जिल्ह्यात १ जानेवारी ते ३१ डिसेंबर या कालावधीत अभियानांतर्गत झालेल्या कामांचे मूल्यांकन करून उत्कृष्ट कामगिरी करणाऱ्या ग्रामपंचायतींना पुरस्कार देण्यात येणार आहेत. .तालुकास्तरावर प्रथम बक्षीस १ लाख, द्वितीय ५० हजार व तृतीय २५ हजार, जिल्हास्तरावर अनुक्रमे ५ लाख, ३ लाख व १ लाख, तर राज्यस्तरावर प्रथम १० लाख, द्वितीय ७ लाख व तृतीय ५ लाख रुपयांचे बक्षीस देण्यात येणार असल्याची माहिती जिल्हा कार्यक्रम अधिकारी राजश्री कौलखेडे यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
