Nashik News: लासलगाव कृषी उत्पन्न बाजार समितीत शेतकऱ्यांनी विक्री केलेल्या शेतीमालाचे पैसे रोख स्वरूपात देण्याऐवजी थेट ऑनलाइन पद्धतीने शेतकऱ्यांच्या बँक खात्यावर जमा करण्याचा निर्णय घेण्यासाठी बाजार समिती आग्रही आहे. .दोन दिवसांपासून हा प्रयोग सुरू आहे. मात्र या निर्णयाबाबत शेतकरी व व्यापारी वर्गात संमिश्र प्रतिक्रिया उमटत आहेत..APMC Reforms: ‘बाजार व्यवस्थेवर आता सत्ताधाऱ्यांचे नियंत्रण’ .यापूर्वी लासलगाव बाजार समितीत शेतीमाल विकल्यानंतर शेतकऱ्यांना रोख स्वरूपात त्वरित पैसे अदा केले जात होते. त्यामुळे शेतकरी हेच पैसे लासलगाव शहरातील बाजारपेठेत खर्च करत होते..याचा फायदा स्थानिक दुकानदार, व्यापारी, हमाल, वाहतूकदार यांना होत होता. मात्र ऑनलाइन पेमेंटमुळे हे पैसे थेट खात्यावर जमा झाल्यास लासलगावच्या स्थानिक अर्थचक्रावर विपरीत परिणाम होण्याची शक्यता व्यक्त केली जात आहे..Barshi APMC Elections: बार्शी बाजार समितीवर राऊतांचे वर्चस्व.काही शेतकऱ्यांनी या निर्णयाला विरोध दर्शवीत, शहरात विक्री केलेल्या मालाचे पैसे शहरात फिरले पाहिजेत, अशी भूमिका घेतली आहे. विशेषतः ग्रामीण भागातील अनेक शेतकरी अजूनही रोख व्यवहारालाच प्राधान्य देतात..दुसरीकडे, पारदर्शकता, सुरक्षितता आणि गैरव्यवहार टाळण्यासाठी ऑनलाइन पेमेंट आवश्यक असल्याचे मत काही व्यापारी व बाजार समितीतील घटक व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
